ဩဂုတ်-၁၊၂၀၂၅။တေဇ/People’s Spring
ရှမ်းပြည်နယ်၊ လွိုင်လင်မြို့နယ် ပင်လုံမြို့မှာ လေပြင်းတိုက်ခတ်မှုကြောင့် ညောင်ပင်လဲကျပြီး ကလေးငယ်တစ်ဦးသေဆုံးကာ နှစ်ဦးဒဏ်ရာရရှိကြောင်း မြန်မာနိုင်ငံမီးသတ်တပ်ဖွဲ့က အသိပေးထားသည်။
ဇူလိုင် ၃၁ရက် ည ၆နာရီခွဲခန့်တွင် ပင်လုံမြို့ အမှတ်(၃)ရပ်ကွက်၌ လေပြင်းတိုက်ခတ်မှုကြောင့် လုံးပတ် ၁၀ပေခန့်ရှိသော ညောင်ပင်မှာ လူနေအိမ်ပေါ်သို့ လဲကျခဲ့ခြင်းဖြစ်ကြောင်း မီးသတ်ဌာနက ထုတ်ပြန်ထားသည်။
ယင်းဖြစ်စဉ်၌ ကလေးငယ်တစ်ဦးသေဆုံးကာ အမျိုးသားတစ်ဦးနှင့် အမျိုးသမီးတစ်ဦး မစိုးရိမ်ရဒဏ်ရာများရရှိသည်ဟု မီးသတ်တပ်ဖွဲ့ကဆိုသည်။
Public Service Announcement
အဆိုပါနေရာသို့ လွိုင်လင်ခရိုင်မီးသတ်စခန်း နှင့် ပင်လုံနယ်မြေမီးသတ်စခန်းမှ မီးငြှိမ်းသတ်ယာဉ်တစ်စီးစီနှင့် သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ကယ်ဆယ်ရေးလုပ်ငန်းများဆောင်ရွက်ခဲ့ကြောင်း မီးသတ်တပ်ဖွဲ့က ထုတ်ပြန်ထားသည်။
