'/%3E%3C/svg%3E){kind=small}
■မြောက်ဦးမြို့ စစ်ကောင်စီ ဗုံးကြဲတိုက်ခိုက်မှု ကလေးငယ် ၅ဦးအပါအဝင် ၁၂ဦးသေဆုံး၊ ၂၀ဦး ဒဏ်ရာရ
သြဂုတ်-၂၆၊ ၂၀၂၅/People’s Spring
ရခိုင်ပြည်နယ်၊ ရှေးဟောင်းမြို့တော် မြောက်ဦးမြို့ကို စစ်ကောင်စီက ဗုံးကြဲတိုက်ခိုက်ရာ ကလေးငယ် ၅ဦးအပါအဝင် ၁၂ဦးသေဆုံးပြီး ၂၀ဦး ဒဏ်ရာရရှိခဲ့တယ်လို့အာရက္ခတပ်တော်(AA)ရဲ့ပြောရေးခွင့်ရှိသူဦးခိုင်သုခက လူထုနွေဦးကို ပြောပါတယ်။
မနေ့ညဩဂုတ်၂၅ရက်ည၁၁နာရီ ၂၅မိနစ်အချိန်မှာ အာရက္ခပြည် မြောက်ဦးမြို့နယ် ဒိုင်းကျီကျေးရွာကို အကြမ်းဖက်စစ်ကောင်စီက ဂျက်ဖိုက်တာနဲ့ ပေါင် ၅၀၀ဗုံး နှစ်လုံးကြဲချတိုက်ခိုက်ခဲ့တာလို့ ဦးခိုင်သုခက ပြောပါတယ်။
Public Service Announcement
“အဲဒီဖြစ်စဉ်မှာအရပ်သားပြည်သူ၁၂ယောက်သေဆုံးပြီးတော့၂၀ ယောက် ဒဏ်ရာရတာရှိပါတယ်။ သေဆုံးတဲ့ထဲမှာတော့ ကလေးငယ် ၅ယောက်ပါတယ်။ ဒဏ်ရာရတဲ့အထဲမှာတော့ ကလေး ၃ယောက်ပါတာပေါ့”လို့ ဦးခိုင်သုခက ပြောပါတယ်။
ရှေးဟောင်းမြို့တော်မြောက်ဦးမြို့ကိုဗုံးကြဲတိုက်ခိုက်တာဟာ အကြမ်း ဖက်စစ်ကောင်စီအနေနဲ့ စစ်ရာဇဝတ်မှုကို ပြောင်ပြောင်တင်းတင်းကျူး လွန်တာလို့လည်း ၎င်းက မှတ်ချက်ပေးပါတယ်။
” ဒီလိုမျိုး အရပ်သားပြည်သူတွေကို ပစ်မှတ်ထား တိုက်ခိုက်သတ်ဖြတ်တဲ့ ဒီအကြမ်းဖက်စစ်ကောင်စီအနေနဲ့ တာဝန်ယူမှု၊ တာဝန်ခံမှုရှိရမှာဖြစ်ပါတယ်။ ကျနော်တို့ ULA၊AAအနေနဲ့ကတော့ ကျနော်တို့ရဲ့အပြစ်မဲ့ပြည်သူတွေကို မတရာဗုံးကြဲတိုက်ခိုက်တဲ့ စစ်ရာဇဝတ်ကောင်တွေကို အပြစ်ပေးအရေးယူနိုင်ဖို့အတွက် နည်မျိုးစုံနဲ့ ဆက်လက်ကြိုးပမ်းဆောင်ရွက်သွားမှာဖြစ်ပါတယ်”လို့ ဦးခိုင်သုခက ပြောပါတယ်။
မြောက်ဦးမြို့ ဒိုင်းကျီကျေးရွာအား စစ်ကောင်စီက ပေါင် ၅၀၀ ဗုံးနှစ်လုံးဖြင့် တိုက်ခိုက်ခဲ့၍အရပ်သားပြည်သူများ ထိခိုက်သေဆုံးသူများမြင်ကွင်း
ဓာတ်ပုံ − Western News
