စက်တင်ဘာ−၁၁၊၂၀၂၅။လူအေး/People’s Spring
ဘင်္ဂလားဒေ့ရှ်နိုင်ငံမှ ငါးဖမ်းလှေပေါ်တွင် ငါးဖမ်းသမားအဖြစ် ဟန်ဆောင်လိုက်ပါလာသော အကြမ်းဖက်သမားများက သတ်ဖြတ်သွား၍ AAတပ်ဖွဲ့ဝင်နှစ်ဦးသေဆုံးခဲ့ရပြီး ထိုဖြစ်စဉ်အပေါ် ထိထိရောက်ရောက် ကိုင်တွယ်လုပ်ဆောင်သွားမည်ဖြစ်ကြောင်း အာရက္ခတပ်တော်((AA)က ထုတ်ပြန်သည်။
စက်တင်ဘာ ၁၀ရက် နေ့လယ် ၁နာရီကျော်က ရသေ့တောင်မြို့နယ်အတွင်းရှိ ကိုးတန်ကောက်ကျေးရွာနှင့် ချိန်ခါလီကျေးရွာ၏အနောက်ဘက်တွင် ဘင်္ဂလားဒေ့ရှ်နိုင်ငံမှ ငါးခိုးဖမ်းဘုတ် အစီး ၈၀ခန့်သည်အစုလိုက်၊အပြုံလိုက် ကျူးကျော်ဝင်ရောက် ငါးခိုးဖမ်းနေ၍ လိုက်လံဖမ်းဆီးစဉ် ပစ်ခတ်ခံရခြင်းဟု ဆိုသည်။
https://www.facebook.com/reel/804880348765487
Public Service Announcement
ငါးခိုးဖမ်းဘုတ် အစီး ၈၀ခန့်အနက် (၅) စီးကို ဖမ်းဆီးနိုင်ခဲ့ပြီးကမ်းစပ်သို့ ညနေ ၇နာရီခန့်တွင် ခေါ်ဆောင်လာစဉ် ငါးဖမ်းသမားများအဖြစ် ဟန်ဆောင်လိုက်ပါလာသော အကြမ်းဖက်သမားများပါဝင်သည့် ငါးခိုးဖမ်းဘုတ် (၁)စီးမှ အကြမ်းဖက်သမားများက AAလုံခြုံရေးအရာရှိ တစ်ဦးနှင့် ကမ်းခြေစောင့်တပ်ဖွဲ့ဝင်တစ်ဦးတို့အား သတ်ဖြတ်ကာ လက်နက်များကိုပါလုယူ၍ ဘင်္ဂလားဒေ့ရှ်နိုင်ငံ ရေပိုင်နက်အတွင်း ထွက်ပြေးသွားခဲ့ကြသည်ဟာ ထုတ်ပြန်ထားသည်။
အာရက္ခရေပိုင်နက်အတွင်း တရားမဝင်ကျူးကျော်ဝင်ရောက် ငါးခိုးဖမ်းသူများကို ဖမ်းဆီးစစ်ဆေးခဲ့သည်မှာ အကြိမ်ပေါင်းမြောက်မြားစွာရှိခဲ့ပြီဖြစ်ပြီး နှစ်ဖက်အပြန်အလှန်လေးစားမှုဖြင့် ၎င်းတို့အား အကြိမ်ကြိမ် ပြန်လည်လွှဲပြောင်းပေးအပ်ကာ အကြိမ်ကြိမ် သတိပေးခဲ့ပြီးဖြစ်သည်ဟု ထုတ်ပြန်ချက်တွင်ဖော်ပြထားသည်။
ယခုတစ်ကြိမ်သည် အာရက္ခရေပိုင်နက်အတွင်းသို့ အစုလိုက်၊အပြုံလိုက် ဗြောင်ကျကျ ကျူးကျော်ဝင်ရောက် ငါးခိုးဖမ်းရုံသာမက ကမ်းခြေလုံခြုံရေး တာဝန်ထမ်းဆောင်နေသူများကိုပါ သတ်ဖြတ်၍ လက်နက်လုယူခြင်းသည် အကြမ်းဖက်သောလုပ်ရပ်မျိုးဖြစ်ပြီး ထိထိရောက်ရောက် ကိုင်တွယ် လုပ်ဆောင်သွားမည်ဟု ထုတ်ပြန်ထားသည်။
ရုပ်သံ − AAInfoDesk
