စက်တင်ဘာ−၁၃၊ ၂၀၂၅/People’s Spring
မန္တလေးတိုင်း၊ သပိတ်ကျင်းမြို့နယ်က ကျေးရွာတွေကို စစ်ကောင်စီက ဒီကနေ့မှာ လေကြောင်းကနေအပြင်းအထန်ဗုံးကြဲတိုက်ခိုက်နေရာ ကလေးငယ် ၂ ဦးအပါအဝင် ပြည်သူ ၇ ဦးသေဆုံးခဲ့တယ်လို့ ပြည်သူ့ကာကွယ်ရေးတပ်မတော် (မန္တလေး) က ထုတ်ပြန်ပါတယ်။
ဒီကနေ့ (စက်တင်ဘာ၁၃ရက်)မှာ ညောင်ပင်သာကျေးရွာကို စစ်ကောင်စီက လေကြောင်းတိုက်ခိုက်ရာ ကလေးငယ်တဦးအပါအဝင် ပြည်သူ ငါးဦးသေဆုံးခဲ့ရတယ်လို့ ပြည်သူ့ကာကွယ်ရေးတပ်မတော် (မန္တလေး)က ထုတ်ပြန်ပါတယ်။
ဒီကနေ့ နေ့လည် ၁၂နာရီခွဲမှာ စစ်ကောင်စီဟာ ညောင်ပင်သာရွာမှာ တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်ခဲ့တာလို့ ဆိုပါတယ်။
Public Service Announcement
ဒါ့အပြင် စစ်ကောင်စီဟာ ဒီကနေ့ ညနေ ၄နာရီဝန်းကျင်မှာလည်း သပိတ်ကျင်းမြို့နယ် နေရာအနှံ့အပြားကို Y-12 လေယာဉ်နဲ့ ဗုံးအလုံးရေ(၄၀)ခန့် ကြဲချတိုက်ခိုက်ခဲ့နေတယ်လို့ ပြည်သူ့ကာကွယ်ရေးတပ်မတော် (မန္တလေး)က ထုတ်ပြန်ပါတယ်။
Y-12 နဲ့ လေကြောင်းတိုက်ခိုက်မှုကြောင့် သပိတ်ကျင်းမြို့နယ် ကျောက်ဖြာကျေးရွာအနီးက ကလေးငယ် တဦးနဲ့ အမျိုးသမီး တဦး အသက်ဆုံးရှုံးခဲ့ရပြီး အပြစ်မဲ့ပြည်သူ ၃ဦး ထိခိုက်ဒဏ်ရာရရှိခဲ့တယ်လို့ ဆိုပါတယ်။
အဆင်အခြင်မဲ့ လေကြောင်းတိုက်ခိုက်မှုများဟာ အပြစ်မဲ့ ပြည်သူတွေရဲ့ အသက်၊အိုးအိမ်၊စည်းစိမ်တွေကို နေ့စဉ်နဲ့ အမျှ ခြိမ်းခြောက်ဖျက်ဆီးနေတယ်လို့ ထုတ်ပြန်ထားပါတယ်။
စစ်ကောင်စီလေကြောင်းတိုက်ခိုက်မှုကြောင့် ပျက်စီးမှုများ။
