'/%3E%3C/svg%3E){kind=small}
စက်တင်ဘာ−၁၆၊ ၂၀၂၅။ ထားမြတ်/People’s Spring
ကရင်အမျိုးသားအစည်းအရုံး(KNU)ဖာပွန်ခရိုင်(မူတြော်ခရိုင်) တပ်မဟာ (၅)နယ်မြေတွင် ယခု စက်တင်ဘာလဝက်အတွင်း စစ်ကောင်စီနှင့် တိုက်ပွဲ ၅၇ ကြိမ်ဖြစ်ပွားခဲ့ကြောင်းKNU ဖာပွန်ခရိုင်ကယနေ့ (စက်တင်ဘာ ၁၆ရက်) တွင် သတင်းထုတ်ပြန်သည်။
စက်တင်ဘာ ၁ရက်မှ ၁၅ရက်အတွင်း စစ်ကောင်စီ၏ လူ့အခွင့်အရေးချိုးဖောက်မှု၊ တိုက်ပွဲဖြစ်ပွားမှု ကို KNU ဖာပွန်ခရိုင် တပ်မဟာ(၅)က ကရင်ဘာသာဖြင့် သတင်းထုတ်ပြန်ခဲ့ခြင်းဖြစ်သည်။
” ၁၅ရက်အတွင်း တပ်မဟာ(၅)ရဲ့ ဖာပွန်ခရိုင်ရဲ့ ထုတ်ပြန်ချက်အရ စကစက လူ့အခွင့်အရေးချိုးဖောက်တာတွေအများကြီးရှိတယ်လို့ ရေးထားတယ်။KNLAနဲ့ စစ်ကောင်စီအဖွဲ့က တိုက်ပွဲဖြစ်တဲ့ဟာလည်းရှိတယ်။ စက်တင်ဘာ ၁ရက်နေ့ကနေ ၁၅ရက်နေ့အတွင်းမှာ တိုက်ပွဲ အားလုံးပေါင်း ၅၇ကြိမ်ဖြစ်ခဲ့တာပေါ့။ပြီးတော့ ဒီတိုက်ပွဲ ဖြစ်တဲ့အပေါ်မှာ စကစ ဘက်က ၄ဦးသေဆုံးတယ်။ ထခိုက်ဒဏ်ရာ ၈ဦးရှိတယ်။ပြီးတော့ စကစရဲ့ အဆောက်အအုံတခုကို ဖျက်ဆီးနိုင်ခဲ့တယ်” ဟု ကရင်သတင်းရင်းမြစ်က KNU တပ်မဟာ(၅)၏ သတင်းထုတ်ပြန်ချက်ကို ဘာသာပြန်ရှင်းပြပေးသည်။
Public Service Announcement
တိုက်ပွဲတွင် စစ်ကောင်စီဘက်က ဒရုန်းအသုံးပြု တိုက်ခိုက်သကဲ့သို့ လေကြောင်း တိုက်ခိုက်ခဲ့ဟု ဖော်ပြသည်။
” ဂျက်ဖိုက်တာတွေ သုံးပြီး ဗုံးလာကြဲတာကြောင့် ပြည်သူလူထုတွေရဲ့ အလုပ်အကိုင် နေရာ ရွာတွေမှာလာကြဲတာ။ ကျောင်းကို ပစ်မှတ်ထားပြီး လာကြဲတဲ့အပေါ်မှာ လူ့အခွင့်အရေးချိုးဖောက်တဲ့ဟာလို့ သူရေးတာပေါ့နော်” ဟု ကရင်သတင်းရင်းမြစ်က ပြောသည်။
KNU တပ်မဟာနှင့် ခရိုင် ၇ခုရှိရာ ဖာပွန်ခရိုင်၊ တပ်မဟာ(၅)သည် နယ်မြေအတွင်း စစ်ကောင်စီတပ်များ အထိနာအောင် တိုက်ခိုက်နိုင်ခဲ့ပြီး စစ်တပ်အာဏာသိမ်းပြီးနောက် တိုက်ပွဲထောင်ချီဖော်ဆောင်ခဲ့သည်။
