စစ်တပ်က လန်ဆယ်တိုက်ပွဲမှာလည်း ပြည်သူ့စစ်​တွေကို မူးယစ်​ဆေး​ကြွေးပြီးစစ်တိုက်ခိုင်း

စက်တင်ဘာ−၂၄၊ ၂၀၂၅။​နေ့သစ်/People’s Spring

ကချင်ပြည်နယ်၊ဆော့လော်မြို့နယ်၊လန်ဆယ်ဒေသတိုက်ပွဲမှာ KIA ကဖမ်းမိခဲ့တဲ့စစ်သုံ့ပန်းတဦးက ​ရှေ့တန်းမှာ ပြည်သူ့စစ်တပ်ဖွဲ့ဝင်​တွေကို စစ်တပ်က မူးယစ်​​ဆေးဝါး​တွေ​ကြွေးပြီး စစ်တိုက်ခိုင်း​နေ​ကြောင်း ​ပြောဆိုပါတယ် ။

စစ်ကောင်စီတပ်နဲ့ ပြည်သူ့စစ်ပူးပေါင်းတပ်ဟာ စက်တင်ဘာ ၁၉ရက်မှာ KIA သိမ်းထားတဲ့ လန်ဆယ်ဒေသကို ပြန်လည်ရယူနိုင်ရေး ထိုးစစ်ဆင်ခဲ့ရာ ၅ရက်ဆက်တိုက်ပွဲတွေ ဖြစ်ခဲ့တာဖြစ်ပါတယ်။

စစ်တပ် နဲ့ ပြည်သူ့စစ်ပူး​ပေါင်းတပ်​တွေကအင်အားအများအပြားနဲ့ထိုးစစ်ဆင်ခဲ့​ကြောင့် စက်တင်ဘာ ၂၁ ရက်မှာ KIA ကာကင်းစခန်းကုန်းတစ်ခုကိုလက်လွတ်ခဲ့ရပါတယ် ။စက်တင်ဘာ ၂၁ ရက်မှာ​တော့ KIA က တန်ပြန်ထိုးစစ်ဆင်တာမှာ စစ်တပ်နဲ့ ပြည်သူ့စစ်တပ်ဖွဲ့ဝင် ​သေဆုံး ဒဏ်ရာရသူများပြားပြီး ကာကင်းကုန်းကိုပြန်လည်သိမ်းယူနိုင်ခဲ့ပါတယ်။

Public Service Announcement

ဒါအပြင် စစ်သုံ့ပန်းအချို့ ကိုဖမ်းမိသလို လက်နက်ခဲယမ်းအချို့ ကိုလည်း သိမ်းဆည်းနိုင်ခဲ့ပါတယ်။ ဖမ်းမိခဲ့တဲ့ စစ်သုံ့ပန်း ၁ ဦးက တိုက်ပွဲမှာ ထမင်းမစားရတာ ၄ ရက်ရှိ​နေပြီဖြစ်ပြီး စစ်သား​တွေက ပြည်သူ့စစ်​တွေကို ​မူးသစ်​ဆေး​ပြား​တွေ​ကြွေးပြီးတိုက်ခိုင်းတယ်လို့ ​ပြောပါတယ်။

ထမင်းမစားရတာကြာပြီး တုန်ယင်​နေတဲ့ ပြည်သူ့စစ်တပ်ဖွဲ့ဝင်ကို KIA တပ်ဖွဲ့ဝင်​တွေကထမင်း​ကြွေးခဲ့ပါတယ် ။ စစ်တပ်က ပြည်သူ့စစ်တပ်ဖွဲ့ဝင်​တွေကို​ရော ၊ စစ်သင်တန်းဆင်းစစ်သားသစ်​တွေကို​ရော မူးယစ်​ဆေး​တွေ​ကြွေးပြီး ​ရှေ့က​နေအ​သေခံစစ်တိုက်ခိုင်းတဲ့ အ​ထောက်အထား​တွေကို နိုင်ငံတစ်ဝန်းစစ်မျက်နှာပြင်​တွေမှာ ဆက်တိုက်ထွက်​ပေါ်လာပါတယ် ။

စစ်ကိုင်းတိုင်းကနီမြို့နယ်၊​ချောင်းမရွာမှာ စက်တင်ဘာ လလယ်ကတိုက်ပွဲမှာ စစ်သားသစ်​တွေကို​မူးယစ်ဆေး​ကြွေးပြီးစစ်တိုက်ခိုင်းတာ​ကြောင့်​တိုက်ပွဲဆေး​ကြောင်​နေတဲ့ စစ်သားသစ်​တွေကို PDF ​တွေက ဖမ်းဆီးနိုင်ခဲ့ပါတယ် ။

စက်တင်ဘာ ၂၃ ရက်က ​ကရင်ပြည်နယ် ​လေး​ကေ့ကော်မြို့သစ်အနီးတိုက်ပွဲမှာလည်း စစ်တပ်က ပြည်သူ့စစ်မှုထမ်းသင်တန်းဆင်းစစ်သားသစ်​တွေကို ​ဆေး​ကြွေးပြီး​ရှေ့က​နေအ​သေခံတက်ခိုင်းတာမှာ ​သေဆုံးဒဏ်ရာရသူ အများအပြားရှိခဲ့တယ်လို့စစ်​ရေးရင်းမြစ်​တွေက​ပြောပါတယ် ။

ရုပ်သံ-​ရေခဲငါး