'/%3E%3C/svg%3E){kind=small}
ကရင်နီ(ကယား)ပြည်နယ် လွိုင်ကော်လေဆိပ်တွင် အကြမ်းဖက်စစ်ကောင်စီ၏ စစ်လေယာဥ်များဆင်း သက်လျက်ရှိရာ မြန်မာအမျိုးသားလေကြောင်းလိုင်း (MNA)ဖြင့် ခရီးသွားလာခြင်းမပြုရန် အထူးတိုက်တွန်းကြောင်း ကရင်နီအမျိုးသားကာကွယ်ရေးတပ်ဖွဲ့(KNDF) က ထုတ်ပြန်သည်။
စစ်တပ်အာဏာသိမ်းပြီးနောက်ပိုင်း နိုင်ငံ့ဘဏ္ဏာငွေနှင့် ဘဏ္ဏာငွေဝင်သည့် အရင်းအမြစ်များဖြစ်သော နိုင်ငံပိုင်စီးပွားရေးလုပ်ငန်းများ အားလုံးကို အကြမ်းဖက်စစ်အုပ်စုမှ ထိန်းချုပ်လိုက်ပြီး ဖြစ်ကြောင်း၊ မြန်မာ့အမျိုး သားလေကြောင်း (MNA)သည် နိုင်ငံပိုင်လေကြောင်းလိုင်းဖြစ်ရာ အဆိုပါလေကြောင်းလိုင်းမှ အကြမ်းဖက်စစ်အုပ်စုများသည် ဝင်ငွေများရရှိလျက်ရှိကြောင်း ဖော်ပြထားသည်။
ထို့အပြင် MNAသည် လွိုင်ကော်မြို့သို့ ပျံသန်းလျက်ရှိပြီး ထိုခရီးစဉ်များတွင် ကရင်နီပြည်မှ ပြည်သူများ စီးနှင်းလိုက်ပါလျက်ရှိသကဲ့သို့ စစ်ရေးဘက်တွင်လည်း အကြမ်းဖက်စစ်ကောင်စီသည် ကရင်နီပြည်အတွင်းသို့ တပ်အင်အားများ၊ လက်နက်ရိက္ခာများကို ခရီးသည်တင် လေယာဥ်များဖြင့် သယ်ယူပို့ဆောင်လျက်ရှိသည်ဟု KNDFက ဆိုသည်။
MNAမှ အကြမ်းဖက်စစ်ကောင်စီ ဝင်ငွေရသည့် အပြင်စစ်ရေးအရ အသုံးပြုသည့် လေကြောင်းလှိုင်းဖြစ်သည့်အလျှောက်ပြည်သူများလိုက်ပါစီးနှင်းခြင်းမပြုရန် အသိပေးတိုက်တွန်းကြောင်း ထုတ်ပြန်ထားသည်။
Public Service Announcement
