ဇန်နဝါရီ-၂၄၊ ၂၀၂၆။ ဇော်ဝင်း/People’s Spring
မန္တလေးတိုင်း၊ မြင်းခြံမြို့ပေါ်က မဲရုံစောင့် ပြည်သူ့ စစ်တစ်ဦးကို လက်နက်နဲ့အတူ ဖမ်းမိတယ်လို့ မြင်းခြံခရိုင်အမှတ် ၂ တပ်ရင်း၊ တပ်ခွဲ ၁ က ဒီကနေ့ ထုတ်ပြန်ပါတယ်။
အဲဒီ့ပြည်သူ့စစ်ကို မြို့ပေါ်ထိ တက်ရောက်ဖမ်းဆီးနိုင်ခဲ့တာဖြစ်ပြီး စစ်အုပ်စုတပ်သားတွေ အနေနဲ့ သတိထားဖို့ ဖော်ပြပါတယ်။
ဖမ်းဆီးမှုအတွင်း ကာဘိုင်သေနတ်တစ်လက်နဲ့ကျည်၊ကျည်ဘောက်အချို့သိမ်းဆည်းရမိတာတယ်လို့ အသိပေးပါတယ်။
Public Service Announcement
မြင်းခြံခရိုင်အမှတ် ၂ တပ်ရင်း၊တပ်ခွဲ ၁ ဖြစ်တဲ့ Myingyan Twenty one Guerilla Force နဲ့ TFM ၊TLK ပြောက်ကျားတပ်ဖွဲ့တို့က ပူးပေါင်း ဖမ်းဆီးခဲ့တာလို့ ဆိုပါတယ်။
ဇန်နဝါရီ ၂၅ ရက်မှာ စစ်တပ်လုပ်မယ့် ရွေး ကောက်ပွဲ တတိယပိုင်းမှာ မြင်းခြံမြို့ပါဝင်ပေမယ့် တစ်မြို့နယ်လုံးအတိုင်းအတာနဲ့ မဲစာရင်းမကောက်နိုင်ဘူးလို့ သိရပါတယ်။
“မြို့ပေါ်ရပ်ကွက်တွေ(ရပ်ကွက် ၂၀) နဲ့ မြို့နားတဝိုက်က ကျေးရွာအုပ်စုလေးခုလောက်မှာပဲ ရွေးကောက်ပွဲလုပ်မှာ”လို့ မြင်းခြံမြို့နေသူတစ်ဦးက ပြောပါတယ်။
ဒါ့အပြင် မြင်းခြံခရိုင်ထဲက မြင်းခြံ၊ နွားထိုးကြီး နဲ့တောင်သာမြို့နယ်တွေမှာ စစ်အုပ်စုနဲ့ တော်လှန် ရေးတပ်တွေမကြား မကြာခဏ တိုက်ပွဲတွေရှိနေတယ်လို့ သိရပါတယ်။
အခုလထဲမှာ စစ်တပ်ရဲ့အထိုင်စခန်းအချို့ကို တိုက်ခိုက်သိမ်းပိုက်ရခဲ့တာရှိတယ်လို့လည်း မြင်းခြံခရိုင်အမှတ် ၂ တပ်ရင်း၊တပ်ခွဲ ၁ က ထုတ်ပြန်ထားပါတယ်။
