CDM ကိုယ်ဝန်​ဆောင်မိခင် ကိုးဦးကို ​ဆောမြို့နယ်ပြည်သူ့အုပ်ချုပ်​ရေးအဖွဲ့က တစ်သိန်းစီ​ထောက်ပံ့

ပြည်သူ့အုပ်ချုပ်ရေးယန္တရား အကောင်အထည်ဖော်နေသည့် ဆောမြို့နယ်တွင် ပြည်သူ့အာဏာဖီဆန်​ရေး (CDM) ပြုလုပ်နေသော ကိုယ်ဝန်ဆောင်မိခင် ကိုးဦးအတွက် တစ်ဦးလျှင် တစ်သိန်းကျပ်စီ ဆောမြို့နယ် ပြည်သူ့အုပ်ချုပ်ရေးအဖွဲ့ကထောက်ပံ့လိုက်သည်။

ယောဒေသတွင် ပြည်သူ့ကာကွယ်ရေးတပ်များက အကြမ်းဖက်စစ်ကောင်စီအား လက်နက်ကိုင်တိုက်ခိုက်နေသလို ပြည်သူ့အုပ်ချုပ်ရေးယန္တရားကိုလည်း အကောင်အထည်ဖော်နေစဥ် CDM ဝန်ထမ်းမိသားစုများအား ယခုကဲ့သို့ ထောက်ပံ့ခြင်းဖြစ်သည်။

ပြည်သူလူထု၏ကူညီမှုဖြင့် ပေးအပ်ဂုဏ်ပြုနိုင်ခဲ့ခြင်းဖြစ်ကြောင်း ဆောမြို့နယ် ပြည်သူ့အုပ်ချုပ်ရေးအဖွဲ့ကထုတ်ပြန်ထားပြီး အခြား CDM ဝန်ထမ်းများအားလုံးကို ဂုဏ်ပြုမပေးအပ်နိုင်ခြင်းအတွက်လည်း နားလည်ပေးပါရန် မေတ္တာရပ်ခံထားသည်။

စစ်အာဏာရှင်တော်လှန်ရေးတွင် စစ်ကိုင်းတိုင်းဒေသကြီးသည် အမျိုးသားညီညွတ်ရေးအစိုးရ၏ ပထမဆုံးလွတ်မြောက်နယ်မြေဖြစ်လာနိုင်ကြောင်း သုံးသပ်နေကြသလို စစ်ကိုင်းတိုင်းနှင့် ထိစပ်နေသော ယောဒေသသည်လည်း စစ်ကောင်စီကို အင်တိုက် အားတိုက် တော်လှန်နေသည့် ဒေသဖြစ်သည်။

Public Service Announcement