အီရန် သမ္မတ အိမ်တော်ကို အစ္စရေး ဗုံးကြဲ တိုက်ခိုက်

မတ် – ၃ ၊၂၀၂၆

အီရန် သမ္မတ အိမ်တော်နဲ့ တခြား အစိုးရ အဆောက်အအုံတွေကို အပြင်းအထန် ဗုံးကြဲတိုက်ခိုက်ခဲ့ကြောင်း အစ္စရေးစစ်တပ် (IDF)က အတည်ပြုခဲ့ပါတယ်။

မတ်လ ၃ ရက်နေ့က တဟီရန် မြို့တော်မှာရှိတဲ့ သမ္မတ အိမ်တော်၊ အမျိုးသား လုံခြုံရေး ကောင်စီ ဌာနချုပ်တို့လို နေရာတွေကို ခဲယမ်းမီးကျောက်တွေ အများအပြား အသုံးပြုပြီး တိုက်ခိုက်ခဲ့ကြောင်း IDFက ပြောပါတယ်။

Telegramမှာ IDFက ထုတ်ပြန်ခဲ့ရာမှာတော့ အဲဒီ အဆောက်အအုံတွေသာ မကဘဲ အီရန် အစိုးရရဲ့ အရေးကြီးတဲ့ အခြေခံ အဆောက်အအုံ တချို့လည်း ဖျက်ဆီးခံခဲ့ရကြောင်း ဖော်ပြထားပါတယ်။

Public Service Announcement

အစ္စရေး တိုက်လေယာဉ်တွေဟာ သမ္မတ အိမ်တော်သာ မကဘဲ အစိုးရ အိမ်တော်ဝင်းကြီး တစ်ခုလုံးထဲက တခြားအဆောက်အအုံတွေကိုပါ တိုက်ခိုက်ခဲ့ပါတယ်။

အစ္စရေးနဲ့ အမေရိကန်တို့က အီရန်ကို စတင် တိုက်ခိုက်တဲ့ ဖေဖော်ဝါရီလ ၂၈ ရက်နေ့ ကတည်းက အီရန် အဓိပတိ အယာတိုလာ အလီ ခါမေနီနဲ့ တခြား နိုင်ငံရေး၊ စစ်ရေး ခေါင်းဆောင် တချို့ကို အောင်အောင်မြင်မြင် လုပ်ကြံနိုင်ခဲ့ပါတယ်။ ခါမေနီဟာ သူ့အိမ်တော်ထဲမှာ ရှိနေချိန်မှာပဲ အစ္စရေး လေကြောင်းတိုက်ခိုက်မှုကြောင့် သေဆုံးသွားခဲ့ပါတယ်။

အီရန် သမ္မတ မာဆုဒ် ပက်ဇက်ရှ်ခန်းကတော့ အန္တရာယ်ကင်းခဲ့ကြောင်း အီရန် အစိုးရနဲ့ သူ့ရဲ့သားက ကြေညာထားပါတယ်။ လက်ရှိမှာတော့ ပက်ဇက်ရှ်ခန်းရဲ့ တည်နေရာကို တိတိကျကျ မသိရသေးပါဘူး။

အမေရိကန်နဲ့ အစ္စရေး လေကြောင်းတိုက်ခိုက်မှုကြောင့် အီရန်မြို့တော် တဟီရန်မှာ ပေါက်ကွဲမှု ကိုတွေ့ရပုံ

ကိုးကား – BBC