မတ်-၂၅၊၂၀၂၆၊ရှိန်း/ People’s Spring
မန္တလေးတိုင်း၊ တောင်သာမြို့နယ်က မင်းတည်းကျေးရွာကို စစ်တပ်က ရွာလုံးကျွတ်မီးရှို့ဖျက်ဆီးခဲ့ပြီး ဒေသခံ အမျိုးသမီး ၃ဦးကိုလည်း ဖမ်းဆီးထားတယ်လို့ ဒေသခံတွေက ပြောပါတယ်။
တောင်သာမြို့ပေါ်က စစ်တပ်ဟာ မတ်လ၂၀ ရက်မှာ ညောင်တိုနဲ့ ကန်ပေါက်ကျွန်းကျေးရွာတွေကို စစ်ကြောင်းထိုးခဲ့တာလို့ သိရပါတယ်။ မတ်လ၂၃ရက်မှာ အဲဒီစစ်ကြောင်းဟာ မင်းတည်းရွာကို ရောက်ရှိခဲ့ပြီး ဒေသခံအမျိုးသမီး ၃ဦး ဖမ်းဆီးထားကာ ကျေးရွာကို မီးရှို့ဖျက်ဆီးခဲ့တာလို့ သိရပါတယ်။
“ဘာမှမရှိဘူး။ဒီအတိုင်းစစ်ကြောင်းထိုးပြီး မီးရှို့ခဲ့တာ။အမျိုးသမီး၃ဦးကို ဖမ်းထားတယ်ကြားတယ်။နောက်ဆက်တွဲမသိရသေးဘူး။စစ်ကြောင်းကရွာနားပတ်လည်မှာပဲရှိ သေးတယ်”လို့ ဒေသခံတစ်ဦးက ပြောပါတယ်။
Public Service Announcement
မင်းတည်းရွာဟာ အိမ်ခြေ၈၀၀ကျော် ရှိပြီး တစ်ရွာလုံးမီးရှို့ခံရကာ နေအိမ် ၄လုံးခန့်သာ ကျန်ခဲ့တယ်လို့ သိရပါတယ်။
ဒီကျေးရွာဒေသခံတွေအတွက်လည်း စားနပ်ရိက္ခာနဲ့ အဝတ်အထည် တွေအရေး ပေါ်လိုအပ် နေတယ်လို့ဆိုပါတယ်။
မြင်းခြံ၊နွားထိုးကြီးနဲ့ တောင်သာမြို့နယ်မှာ စစ်တပ်က စစ်ကြောင်းထိုး မီးရှို့တာတွေဆက်တိုက်ပြုလုပ် နေပြီး မီးဘေးသင့်ပြည်သူ သောင်းနဲ့ချီရှိတယ်လို့လည်း သိရပါတယ်။
