'/%3E%3C/svg%3E){kind=small}
ဆိုင်ကယ်စီးလူငယ် ၄ ဦးကို စစ်ဆေးဖို့တားဖြစ်ရာမှာ ရပ်မပေးလို့ဆိုကာ စစ်ကောင်စီတပ်ဖွဲ့ဝင်တွေရဲ့ ပစ်ခတ်မှုကြောင့် မန္တလေးမှာ မနေ့ကညပိုင်းက ၁ ဦးသေဆုံးပြီး ၃ ဦး ဒဏ်ရာရသွားပါတယ်။
ဒီဇင်ဘာလ ၁၁ ရက် ညပိုင်း က ကျုံးဘေး ၂၆ လမ်း ၊၇၈ လမ်းထောင့် မှာ ဆိုင်ကယ် ၂ စီးနဲ့ လူငယ် ၄ ဦး ကို ပစ်ခတ်ခဲ့တာပါ။
စစ်ကောင်စီတပ်ဖွဲ့ဝင်တွေရဲ့ပစ်ခတ်မှုကြောင့် အသက် ၂၅ နှစ်အရွယ် အမျိုးသား ဟာ အခင်းဖြစ်တဲ့ နေရာမှာပဲ သေဆုံးသွားပြီး ဒဏ်ရာရသူ ၃ ဦးအနက် ၂ ဦးဟာ စိုးရိမ်ရတယ်လို့သိရပါတယ်။
ဒဏ်ရာရသူတွေကို မန္တလေး ဆေးရုံမှာကုသပေးနေပါတယ်။
Public Service Announcement
စစ်ကောင်စီတပ်ဖွဲ့ဝင်တွေဟာ မန္တလေးရဲ့နေရာအများစုမှာ ဆိုင်ကယ် စစ်ဆေးဖို့ တားမြစ်ရာ မရပ်ပေးလို့ဆိုကာ သေနတ်နဲ့ပစ်ခတ်ဖမ်းဆီးတာတွေကို နေ့စဉ်နီးပါးလုပ်နေတယ်လို့ဒေသခံတွေဆီကသိရပါတယ်။
