ဇူလိုင်-၉၊၂၀၂၆။သုည/People’s Spring
(၁၇)ကြိမ်မြောက် World MMA Awards ဆုပေးပွဲမှာ ချင်းလူမျိုးဖိုက်တာ ဂျိုရှုအာဗန် က (တစ်နှစ်တာအတိုးတက်ဆုံးဖိုက်တာဆု) Breakthrough Fighter of the Year ဆုကို ဆွတ်ခူးခဲ့ပါတယ်။
ဆုပေးပွဲကို ဒီကနေ့ ဇူလိုင် ၉ ရက် နံနက်ပိုင်းက အမေရိကန်နိုင်ငံ၊ လပ်ဗေးဂတ်စ်မြို့ရှိ ဆာဟာရပြဇတ်ရုံမှာ ပြုလုပ်ခဲ့တာပါ။
Fighters Only Magazine က ဦးဆောင်ကျင်းပတဲ့ World MMA Awards ဟာ ကမ္ဘာ့ MMA လောကမှာ ဂုဏ်သိက္ခာအကြီးမားဆုံး ဆုပေးပွဲဖြစ်ပြီး ၂၀၂၄ ခုနှစ် ဇူလိုင်လမှ ၂၀၂၅ ခုနှစ် ဇွန်လအတွင်း ကျင်းပခဲ့တဲ့ MMA ပွဲပေါင်း များစွာထဲက ရွေးချယ်ချီးမြှင့်ခဲ့တာပါ။
Public Service Announcement
ဂျိုရှုအာဗန်ဟာ ဒီဆုပေးပွဲမှာ Fight Of The Year (တစ်နှစ်တာအတွင်း အကောင်းဆုံးတွဲဆိုင်းဆု) နဲ့ Breakthrough Fighter Of The Year (အတိုးတက်ဆုံးဖိုက်တာဆု) ဆုနှစ်ဆုအတွက် ဆန်ခါတင်စာရင်း ပါဝင်ခဲ့တာပါ။
Breakthrough Fighter Of The Year (အတိုးတက်ဆုံးဖိုက်တာဆု) အတွက် နယ်သာလန်ဖိုက်တာ ဒီရစ်ဒါ၊ အမေရိကန်ဖိုက်တာ ရှောင်ဘရက်ဒီ၊ ဘရာဇီးဖိုက်တာ ဂျင်ဆေးဗား၊ ဗြိတိန်အမျိုးသမီးဖိုက်တာ ဒါကိုတာတို့နဲ့အတူ ဆန်ခါတင်စာရင်း ပါဝင်ခဲ့ကာ နောက် ယင်းဖိုက်တာတွေကို ကျော်ဖြတ်ပြီး ဗန်က ဆွတ်ခူးခဲ့တာပဲ ဖြစ်ပါတယ်။
