'/%3E%3C/svg%3E){kind=small}
အရာတော်မြို့နယ် မြောက်ပိုင်းတွင် လှည့်ကင်းလာသော စစ်ကောင်စီတပ်အား မိုင်းဆွဲတိုက်ခိုက်ရာ စစ်ကောင်စီဘက်မှ နှစ်ဦးသေဆုံးကြောင်း အရာတော်မြို့နယ် တော်လှန်ရေးအင်အားစု(ARA)မှ ယနေ့(ဒီဇင်ဘာ ၂၁) ထုတ်ပြန်သည်။
အရာတော်မြောက်နယ် နောင်ကြီးအိုင်ကျေးရွာ အုပ်စုအတွင်း လှည့်ကင်းလာသော စစ်ကောင်စီတပ် ခြေလျင်တပ်စိပ်တစ်ခုကို ယနေ့နံနက်ပိုင်းက ခြုံခိုတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“နေရာတင် သေဆုံးသွားသည့် စစ်ကောင်စီတပ်သား နှစ်ယောက်နှင့် ဒဏ်ရာပြင်းထန်သူများကို ခွေးဘီလူးကားနှင့်လာတင်သွားပြီး အရာတော်ဘက်သို့ ပြန်လည်ထွက်ခွာသွားကြသည်”ဟု ARA က ဆိုသည်။
အထက်ပါ အကြမ်းဖက်စစ်ကောင်စီ၏ လှည့်ကင်းတပ်စိပ်အား တိုက်ခိုက်မှုကို အရာတော်မြို့နယ် တော်လှန်ရေးအင်အားစု(ARA)မှ ဗိုလ်မိုးသီးတပ်ဖွဲ့နှင့် ဗိုလ်တထောင်တပ်ဖွဲ့တို့မှ ပူးပေါင်းဆောင်ရွက်ခဲ့ကြခြင်း ဖြစ်သည်။
Public Service Announcement
