ဩဂုတ်-၄၊၂၀၂၆။တေဇ/People’s Spring
ရန်ကုန်-မန္တလေး အမြန်လမ်းမှာ Toyota Alphard ကားတစ်စီး အင်ဂျင်ခန်းကမီးစလောင်ခဲ့ပြီး ကားတစ်စီးလုံး မီးလောင်ဆုံးရှူံးခဲ့တယ်လို့ အမြန်လမ်းမကြီးထိန်းသိမ်း ပြုပြင်ရေးနှင့်ကြီးကြပ်ရေးအဖွဲ့ က ထုတ်ပြန်ထားပါတယ်။
ဒီနေ့ (ဩဂုတ်၄) နေ့လည် ၁ နာရီကျော်မှ ရန်ကုန်မြို့ကနေ နေပြည်တော်ဘက်ကိုသွားတဲ့ လမ်းဘက် မိုင်တိုင်အမှတ် ၁၄၃/၆ အနီးမှာ ကားအချက်ပြ မီးလင်းလာတာကြောင့် ရှေ့စက်ဖုံးကို ဖွင့်ကြည့်ချိန်မှာ အင်ဂျင်ခန်း မီးလောင်နေတာကို သိရှိခဲ့တာလို့ ဆိုပါတယ်။
ကားပေါ်မှာ အမျိုးသား ၅ဦး လိုက်ပါလာတာဖြစ်ပြီး မီးလောင်မှုမှာ ယာဉ်တစ်စီးလုံးဆုံးရှုံးလိုက်ရပေမယ့် ထိခိုက်ဒဏ်ရာ မရခဲ့ဘူးလို့ ထုတ်ပြန်ချက်မှာ ဖော်ပြထားပါတယ်။
Public Service Announcement
မီးလောင်တဲ့ကားက မီးခိုးထွက်နေတာကြောင့် မီးတောက်ပြခဲ့ပေမယ့် မသိတာကြောင့် ကျော်တတ်ပြီး အသိပေးခဲ့ရတယ်လို့ မီးလောင်မှုကို မြင်တွေ့ခဲ့ရသူတစ်ဦးက ပြောပါတယ်။
မီးစလောင်ချိန်မှာ အဝေးပြေးယာဉ်တွေက မီးသတ်ဆေးဘူးတွေနဲ့ မီးငြှိမ်းခဲ့ပေမယ့် အချိန်ခဏလေးအတွင်း မီးကြီးလာတာလို့ဆိုပါတယ်။
မီးလောင်တဲ့ ယာဉ်ပေါ်က ဘတ္ထရီအိုးတွေကိုတော့ အနီးအနားကလူတွေက ကားမှန်တွေခွဲပြီး ထုတ်ပေးခဲ့တာကြောင့် ဘတ္ထရီအိုးတွေနဲ့ ပိုက်ဆံတွေ ကို အချိန်မီထုတ်နိုင်ခဲ့တယ်လို့ သိရပါတယ်။
“အမြန်လမ်းအသုံးပြုသည့် ယာဉ်မောင်းများ အနေဖြင့်မိမိယာဉ်၏ ကြံ့ခိုင်မှုအား လမ်းပေါ်မရောက်မီ သေချာစွာ စစ်ဆေးကြရန် လိုအပ်ပြီး အိမ်စီးကားများမှာ 100 km/hr ၊ ကုန်တင်ယာဥ်+ပစ်ကပ်ယာဥ်များ မှာ 60km/hr နှုန်းသာအများဆုံးမောင်းနှင်ကြပါရန်အထူး သတိပေးအပ်ပါ သည်။” လို့ အမြန်လမ်းမကြီးထိန်းသိမ်း ပြုပြင်ရေးနှင့်ကြီးကြပ်ရေးအဖွဲ့က သတိပေးထားပါတယ်။
