ဝက်လက်အနောက်ခြမ်း မူးမြစ်ဘေးကျေးရွာတွေ အရေးပေါ်အကူညီလိုအပ်နေ

သြဂုတ် ၈၊ ၂၀၂၆၊ ဇေအောင်/People’s Spring

စစ်ကိုင်းတိုင်း၊ ဝက်လက်မြို့နယ် အနောက်ခြမ်းမှာ မူးမြစ်ရေထပ်တက်လာလို့ အရေးပေါ် အကူအညီတွေ လိုအပ်နေကြောင်း ဒေသခံတွေက ပြောပါတယ်။

ဒီကနေ့ သြဂုတ် ၈ ရက် ညနေပိုင်းမှာ ဝက်လက်မြို့နယ်အနောက်ခြမ်းရှိ မူးမြစ်ကမ်းဘေးကျေးရွာတွေ အတွင်းသို့ မြစ်ရေတွေထပ်တိုးဝင်ရောက်နေပြီး ဘေးလွတ်ရာသို့အရေးပေါ်ပြောင်းရွှေ့နေရကြောင်း ဝက်လက်ပကဖအဖွဲ့က ပြောပါတယ်။

“ရသလောက် ကျွန်တော်တို့လည်း ကယ်ထုတ်နေပါတယ်။ ဝက်လက်နယ် ၊ မူးမြစ်ဘေးရွာတွေ တော်တော်လေးကို ဆိုးနေပါတယ်။ အရေးပေါ် စားနပ်ရိက္ခာ ၊ ဆေးဝါး ၊ စက်လှေ၊ တက်နိုင်တဲ့ဘက်က ကူညီကြပါ။”လို့ ဝက်လက်မြို့နယ် ကျောင်းသားများသမဂ္ဂက ရဲဘော်တစ်ဦးက လူမှုကွန်ရက်ကနေ အသိပေးပါတယ်။

Public Service Announcement

မူးမြစ်ရေတက်စေခဲ့တဲ့ သဖန်းဆိပ်ဆည်မှာ ရေအမှတ် ၅၄၄.၉၈ ပေရှိပြီး ဒီကနေ့ ရေထပ်မံလွှတ်နိုင်ဖွယ်မရှိကြောင်း၊ မူးမြစ်ရေကလည်း ထပ်မံလျော့ကျနိုင်ကြောင်း ရွှေဘို ပင်မသတင်းနဲ့ပြန်ကြားရေးဌာနက အသိပေးထားပါတယ်။

မနက်ပိုင်းအထိ ဝက်လက်မြို့နယ် အနောက်ခြမ်း၊ မူးမြစ်ကမ်းဘေးက စွယ်ကွေ့၊ မူးကြိုး၊ဥယျာဉ်သာ၊ တည်တော၊ သမရိုး၊ ကိုင်း၊ နဘဲလှ၊ ရွှေအိုးရ ၊မင်းကန်၊ သရက်ချို၊ ကျောက်ကုံး၊ ဥယျာဉ်သာ (မ)၊ မြင်းသီ၊ ကျောက်တိုင်နဲ့ မူးကမ်းလေ အစရှိတဲ့ ကျေးရွာ(၁၅)ရွာအတွင်း ရေတွေ ဝင်ရောက်နေပြီး ထပ်တိုးကျေးရွာတွေလည်း စာရငျးဆကျလကျပွုစုနတေယျလို့ ဝက်လက်ပကဖအဖွဲ့က ပြောပါတယ်။

ဒါ့အပြင် ဝက်လက်မြို့နယ်ကို ရောက်နေတဲ့ စစ်ဘေးရှောင်တဲတွေလည်း ရေဘေးသင့်တာကြောင့် ထပ်မံတိမ်းရှောင်နေရတယ်လို့ သိရပါတယ်။

လက်ရှိ ရွှေဘိုခရိုင်ထဲက ရွှေဘို၊ ရေဦး၊ ခင်ဦး၊ တန့်ဆည်၊ ဒီပဲယင်းနဲ့ အရာတော်မြို့နယ်တွေက မူးမြစ်ကမ်းဘေးကျေးရွာတွေမှာ ရေကြီး ရေလျှံမှုတွေ ဖြစ်ပွားနေပြီး အကူအညီတွေ လိုအပ်နေကြောင်း သတင်းရရှိပါတယ်။