စက်တင်ဘာ-၉၊၂၀၂၆။တေဇ/People’s Spring
မွန်ပြည်နယ်၊ သထုံမြို့မှာ ဆိုင်ကယ်နဲ့ ကားတိုက်မိပြီး ဆိုင်ကယ်မောင်းလာတဲ့ အသက် ၇၀ကျော်အရွယ်အမျိုးသား သေဆုံးသွားတယ်လို့ ဒေသခံတစ်ဦးက ပြောပါတယ်။
စက်တင်ဘာ ၁၀ ရက် မနက် ၉ နာရီခွဲလောက်မှာ ဆိုင်ကယ်မောင်းလာသူက သထုံမြို့အထွက်က Max ဆီဆိုင်မှာ ဆီထည့်ဖို့ ကွေ့အဝင်မှာ အဝေးပြေးကားနဲ့ တိုက်မိခဲ့တာလို့ ဆိုပါတယ်။
အသက် ၇၂ နှစ်အရွယ် ဆိုင်ကယ်မောင်းလာသူက မျက်ရိုးကွဲ၊ နောက်စေ့ပွင့် ၊ခါးစောင်းပွန်းပဲ့ ၊နံရိုးကျိုးခဲ့ဝာာကြောင့် အကြင်နာတွဲလက်အသင်းက သထုံဆေးရုံကြီးကို ပို့ဆောင်ပေးခဲ့ပေမယ့် သေဆုံးသွားတယ်လို့ သိရပါတယ်။
Public Service Announcement
ယာဉ်တိုက်မှုဖြစ်တဲ့လမ်းက အဝေးပြေးလမ်းဖြစ်တာကြောင့် ကွေ့မယ်ဆိုရင် လမ်းရှင်းမရှင်းကြည့်ပြီးမှ ကွေ့သင့်တယ်လို့ ဒေသခံတွေက အကြံပြုထားပါတယ်။
ဒီကနေ့ ၁၁ နာရီလောက်မှာလည်း ရန်ကုန်-သထုံအဝေးပြေးလမ်း သင်းထော်တံတားအနီးမှာ စက်ဘီးစီးလာတဲ့ အမျိုးသမီးကို Probox ကားက တိုက်ပြီးထွက်ပြေးသွားတယ်လို့ ဒေသခံတစ်ဦးက ပြောပါတယ်။
ယာဉ်တိုက်ခံရတဲ့ အမျိုးသမီး ဦးခေါင်းမှာ ဒဏ်ရာရရှိခဲ့တာကြောင့် ကရင်ပြည်နယ်အသင်းက လူနာတင်ယာဉ်နဲ့ သထုံဆေးရုံကြီးကိုပို့ဆောင်ပေးခဲ့တယ်လို့ သိရပါတယ်။
