Connect with us

Hi, what are you looking for?

သတင်း

သဘာဝဘေးဒဏ်သင့်နေတဲ့ ထားဝယ်ဒေသကို စစ်တပ်က ဗုံးကြဲပြီး စစ်ကြောင်းတွေ ဝင်လာ

ရေဘေးနဲ့ မြေပြိုမှု ဘေးရင်ဆိုင်နေရတဲ့ တနင်္သာရီတိုင်း၊ ထားဝယ်မြို့နယ်ကို ဒီနေ့ စက်တင်ဘာ ၃၀ရက် ညနေပိုင်းမှာ စစ်တပ်က လေကြောင်းကနေဗုံးကြဲတိုက်ခိုက်သွားတယ်လို့ မြို့ခံတွေက ပြောပါတယ်။

(ထားဝယ်မြို့ရေကြီးနေတာကို စစ်တပ်အာဏာပိုင်တွေက ကြည့်ရှု့နေစဉ်။ ဓာတ်ပုံ - စစ်ကောင်စီ)

စက်တင်ဘာ၃၀၊၂၀၂၆၊အိမ်သွင်/People’s Spring

ရေဘေးနဲ့ မြေပြိုမှု ဘေးရင်ဆိုင်နေရတဲ့ တနင်္သာရီတိုင်း၊ ထားဝယ်မြို့နယ်ကို ဒီနေ့ စက်တင်ဘာ ၃၀ရက် ညနေပိုင်းမှာ စစ်တပ်က လေကြောင်းကနေဗုံးကြဲတိုက်ခိုက်သွားတယ်လို့ မြို့ခံတွေက ပြောပါတယ်။

ထားဝယ်အရှေ့တောဒေသ ရေဝိုင်းရွာနဲ့ နဘုလယ်ရွာဒေသဖက်ကို ညနေ ၃နာရီခန့်မှာ ဂျက်ဖိုက်တာနဲ့ ဗုံးကြဲသွားတာလို့ ဆိုပါတယ်။

” မနက်ကတည်းက ဖုန်းလိုင်းတွေ ဖြတ်ပစ်တယ်။လေယာဉ်ဗုံးကြဲတာက ဟုတ်တယ်။ရေဝိုင်းရွာလား နဘုလယ်ဒေသလားပဲ မသေချာ‌သေးတာ။ ဖုန်းက ဆက်မေးလို့မရဘူး။ စိတ်ပူနေရတယ်”လို့ မြို့ခံတစ်ဦးက ပြောပါတယ်။

Public Service Announcement

Public Service Announcement

ထားဝယ်ခရိုင်က ရေဖြူမြို့နယ်နဲ့ လောင်းလုံးမြို့နယ်မှာလည်း စစ်တပ်စစ်ကြောင်းဝင်ရောက်လာတဲ့အတွက် ဒေသခံတွေတိမ်းရှောင်နေကြရတယ်လို့ သိရပါတယ်။

စက်တင်ဘာ ၂၈ ရက်က အင်အား ၁၀၀ခန့်ပါ စစ်ကြောင်းဟာ လောင်းလုံးမြို့နယ်၊ ကျောက်ဆင်ကျေးရွာကို ဝင်လာပြီး စက်တင်ဘာ ၂၉ ရက်မှာ ရေဖြူမြို့နယ်၊ သစ်တိုထောင့်ကျေးရွာကိုလည်း စစ်ကြောင်းဝင်လာတယ်လို့ ဒေသခံတွေက ပြောပါတယ်။

ဒါ့အပြင် ထားဝယ်မြို့ပေါ်က ကြက်စားပြင်ရပ်ကွက်မှာနေတဲ့ လူငယ် တစ်ဦးကိုလည်း စက်တင်ဘာ၂၈ ရက်က ပေါ်တာဆွဲဖမ်းဆီးသွားတယ်လို့ မြို့ခံတွေက ပြောပါတယ်။။

ထိုင်းနိုင်ငံဖက်က လေဖိအားနည်းရပ်ဝန်းအရှိန်ကြောင့် တနင်္သာရီတိုင်း၊ လောင်းလုံး၊ ထားဝယ်၊ သရက်ချောင်း၊ ရေဖြူ၊ မြိတ်မြို့နယ်တွေမှာ စက်တင်ဘာ၂၆ရက်ကစပြီး ရေဘေးကြုံတွေ့နေတာပါ။ လောင်းလုံးနဲ့ သရက်ချောင်းမြို့ဟာ ရေဘေးနဲ့ မြေပြိုမှုအဆိုးဆုံး ကြုံတွေ့နေရပါတယ်။

တောင်ပြိုမှုနဲ့ ရေကြီးရေလျှံမှုကြောင့် ထားဝယ်ဒေသတစ်ခုလုံးမှာ စုစုပေါင်း ၃၂ ဦးသေဆုံးကြောင်း အတည်ပြုထားနိုင်ပြီး လူနေအိမ်နဲ့ ဘာသာရေးအဆောက်အဦးတွေ အပါအဝင် အဆောက်အဦးပေါင်း ၃၀၀ ဝန်းကျင်၊ ငါးဖမ်းလှေအစီးရေ ၅၀ ဝန်းကျင် ပျက်စီးဆုံးရှုံးခဲ့ရတယ်လို့ ထားဝယ်အမျိုးသားအဖွဲ့ချုပ်ကထုတ်ပြန်ထားပါတယ်။ အပျက်အစီးစာရင်း ဆက်လက်တိုးလာနိုင်ပြီး ဒေသခံတွေအတွက်အကူအညီတွေလိုအပ်နေတယ်လို့ ထုတ်ပြန်ထားပါတယ်။ ရေဘေးနဲ့မြေပြိုမှု ဘေးကြောင့် ဒေသခံတွေအခက်အခဲကြုံတွေ့နေရစဉ်မှာ စစ်ကောင်စီကလေကြောင်းတိုက်ခိုက်သလို မြေပြင်မှာလည်း စစ်ရေးလှုပ်ရှားမှုတွေရှိနေတာဖြစ်ပါတယ်။

ဆက်စပ်သတင်းများ

သတင်း

စစ်ကြောင်း မိုင်းဆွဲခဲ့ရပြီးနောက် တဲကြီးရွာကို မီးဝင်ရှို့

ဆောင်းပါး

"ရှေ့ဆောင် နွား ဖြောင့်ဖြောင့်သွားက နောက်နွား တစ်သိုက် ဖြောင့်ဖြောင့် လိုက်၏" တဲ့။

သတင်း

ကရင်ပြည်နယ်၊ ကော့ကရိတ်မြို့နယ်က စစ်တပ် တပ်စွဲရာ နေရာ ၃ခုကို ဒရုန်းနဲ့ တိုက်ခိုက်ခဲ့ကြောင်း ရာမညမွန်တပ်တော်(RMA)က သတင်းထုတ်ပြန်ပါတယ်။

သတင်း

မကွေးတိုင်း၊ မင်းတုန်းအနောက်ခြမ်းက အာဏာသိမ်းစစ်တပ်ရဲ့ ပွိုင့်ကုန်းစခန်းတွေကို တော်လှန်ရေးတပ်တွေက တန်ပြန်ထိုးစစ်ဆင်နေတယ်လို့ မြေပြင်စစ်ရေး သတင်းရင်းမြစ်တချို့က လူထုနွေဦးကို ပြောပါတယ်။

Facebook