အောက်တိုဘာ ၃၊ ၂၀၂၆။ မေရီ/People’s Spring
မန္တလေးတိုင်း၊ မလှိုင်မြို့နယ်၊ ညောင်ပင်တဲကျေးရွာမှာ ညီအကို ၃ ဦး ရေနစ်သေဆုံးမှုဖြစ်ပွားခဲ့ကြောင်း ဒေသခံတွေက ပြောပါတယ်။
စက်တင်ဘာ ၃၀ ရက်က မလှိုင်မြို့နယ်၊ ညောင်ပင်တဲကျေးရွာက ရေကန်တစ်ခုမှာ အမွှာညီအကို ၂ဦး ရေဆင်းချိုးစဥ် ရေနစ်လို့ အကိုကြီးဖြစ်သူက ဆင်းကယ်ခဲ့ရာ ၃ ဦးလုံး ရေနစ်သေဆုံးခဲ့တာဖြစ်ကြောင်း ဒေသခံတွေက ပြောပါတယ်။
“ဘတ်ဖိုးကုတ်ထားတဲ့ ရေချောက်ထဲကို အမွှာညီအကိုကရေဆင်းချိုးတာ။ ရေနစ်လို့အကိုကြီးက ဆင်းဆယ်တာတဲ့။ အကိုပါနစ်သွားတာ”လို့ ဒေသခံတစ်ဥိးက ပြောပါတယ်။
Public Service Announcement
အမွှာညီအကို ၂ဦးမှာ အသက် ၂၁ အရွယ် ကိုကျော်မျိုးလှိုင်(ခ) ကိုကြီးနဲ့ ကိုကျော်ဖြိုးနိုင်(ခ)ကိုလေးတို့ဖြစ်ပြီး အကိုဖြစ်သူမှာ အသက် ၃၂ အရွယ် ကိုကျော်သန်းဖြစ်ကြောင်း သိရပါတယ်။ အမွှာညီအကိုမှာလူပျိုတွေဖြစ်ပြီး အကိုဖြစ်သူကတော့ အိမ်ထောင်သည်ဖြစ်ကြောင်း သိရပါတယ်။
