မင်းတပ်တွင် ဒီဇင်ဘာ ၁၇ရက်ကစ၍ ဖြစ်ပွားသော ၁၀ရက်ကြာ တိုက်ပွဲအတွင်း စစ်ကောင်စီဖက်က ဗိုလ်ကြီးတစ်ဦးအပါအဝင် ၁၀သေဆုံးကာ အများအပြားဒဏ်ရာရရှိသွားခဲ့သည်ဟု CDF-မင်းတပ်က ယနေ့ ထုတ်ပြန်သည်။
စစ်ကောင်စီတပ်များသည် ဒီဇင်ဘာ ၁၇ ရက်မှစ၍ ဒီဇင်ဘာ ၂၆ အထိ မင်းတပ်မြို့နယ်အတွင်းသို့ စစ်ကြောင်း ၂ ကြောင်းဖြင့်စတင်ထိုးစစ်ဆင်လာခဲ့ပြီး ချင်းဒေသကာကွယ်ရေးတပ်ဖွဲ့ -မင်းတပ် (CDF-MINDAT)နှင့် တိုက်ပွဲဖြစ်ပွားခဲ့ခြင်းဖြစ်သည်။ဆယ်ရက်တာ တိုက်ပွဲအတွင်း စစ်ကောင်စီဖက်က ဗိုလ်ကြီးတစ်ဦး၊ရဲတစ်ဦးအပါအဝင်၁၀ဦး သေဆုံးကာ အများအပြားဒဏ်ရာရရှိသွားခဲ့သည်ဟုCDF -မင်းတပ်က ထုတ်ပြန်သည်။
ဒီဇင်ဘာ ၂၆ တိုက်ပွဲတွင် CDF-မင်းတပ်ဘက်က ရဲဘော်တစ်ဦးကျဆုံးခဲ့ပြီး စစ်ကောင်စီတပ်ဘက်မှ ၈ ဦးသေဆုံးကာအများအပြားအများ ဒဏ်ရာရရှိခဲ့သည်။ထိုအပြင် ဒီဇင်ဘာ ၂၄ မင်းတပ်မြို့ပေါ် တိုက်ပွဲတွင်မူ စစ်ကောင်စီဘက်က ဗိုလ်ကြီး တစ် ဦးကို ပြောက်ကျားနည်းဖြင့်CDF-မင်းတပ်က တိုက်ခိုက်သုတ်သင်နိုင်ခဲ့ပြီး လက်နက် ၂ လက်သိမ်းယူနိုင်ခဲ့သည်။ ဒီဇင်ဘာ ၂၄ရက်ကတိုက်ပွဲသတင်းကို ယနေ့ (ဒီဇင်ဘာ ၂၇)မှထုတ်ပြန်သော်လည်း CDF-မင်းတပ် ပြောရေးဆိုခွင့်ရှိသူ Yaw Mang က ၎င်း၏ ဖေ့စ်ဘွတ်ခ်လူမှုကွန်ရက်တွင် အောက်ပါအတိုင်း ရေးတင်ထားခဲ့သည်။
” ဒီနေ့ (Dec 24) မှာ CDF-မင်းတပ် က မြို့ထဲသွားပြီး စကစဆီက ခရစ်စမတ်လက်ဆောင် မရမက တောင်းထားတယ်။ နောက်နေ့ကျ အများသိအောင် ဖြန့်ပေးမယ်” ဟု ရေးသားခဲ့သည်။
Public Service Announcement
စစ်ကောင်စီကို မောင်းထုတ်ရေးအတွက် ယခင်ကထက် စွမ်းဆောင်ရည်ကောင်းသည့် တိုက်ခိုက်ရေးပုံစံဖြင့် တုန့်ပြန်မည်ဟု CDF-မင်းတပ်က ကြိုတင်သတိပေးထားခဲ့သည်။
