Connect with us

Hi, what are you looking for?

သတင်း

အမျိုးသမီးငယ်တွေကို အဓမ္မပြုကျင့်ခဲ့တဲ့ စစ်ကြောင်းက အဘိုး၊အဘွားနှစ်ဦးကို ဓားပြတိုက်ပြီးအိမ်ထဲထည့်မီးရှို့သတ်

အမျိုးသမီးငယ်တွေကိုအဓမ္မပြုကျင့်ခဲ့တဲ့ရဲစစ်ကြောင်းဟာ ဆူးဖြူကုန်းရွာက အဘိုး၊အဘွားနှစ်ဦးကို ဓားပြတိုက်ပြီး အိမ်ထဲထည့်ပြီး မီးရှိူ့သတ်သွားတယ်လို့ဒေသခံ တွေကပြောပါတယ်။

(ဆူးဖြူကုန်းရွာကအသက် ၈၂ နှစ်အရွယ်ဦးစောနွယ် နဲ့ အသက်၈၃နှစ်အရွယ် ဒေါ်စိန်ရင်တို့ကိုစစ်တပ်စစ်​ကြောင်းက ဓါပြတိုက်ပြီးအိမ်အတွင်းထည့်ကာမီးရှို့သွားပြီး​နောက်မြင်ကွင်း ။ဓါတ်ပုံ-မြင်းခြံခရိုင်တပ်ရင်း၁၀)

နိုဝင်ဘာ-၁၆၊၂၀၂၆။ကတ်သရင်း/People’s Spring

အမျိုးသမီးငယ်တွေကိုအဓမ္မပြုကျင့်ခဲ့တဲ့ရဲစစ်ကြောင်းဟာ ဆူးဖြူကုန်းရွာက အဘိုး၊အဘွားနှစ်ဦးကို ဓားပြတိုက်ပြီး အိမ်ထဲထည့်ပြီး မီးရှိူ့သတ်သွားတယ်လို့ဒေသခံ တွေကပြောပါတယ်။

နိုဝင်ဘာလ၃ရက်နေ့မှာ မြို့သာ ကနေ နွားထိုးကြီးမြို့နယ်မြောက်ခြမ်းကိုရဲကွန်မန်ဒို စစ်ကြောင်းက ခန့်မှန်းအင်အား၃၀၀ လောက်နဲ့ စစ်ကြောင်းထိုးခဲ့ပါတယ်။အဲဒီစစ်ကြောင်းဟာ ကံကြီးရွာကနေတဆင့် ဆူးဖြူကုန်း၊ဝက်လူးရွာတွေကို စစ်​ကြောင်းထိုးဝင်ရောက်ကာ‌ ပြီး ​ဒေသခံပြည်သူ​တွေရဲ့ ရွှေ၊ငွေ ​တွေလု

ယက်ယူဆောင်ကာ ည၇နာရီ ကျော်ရင်အိမ်တွေ ပေါ်တက်ပြီး ဓားပြတိုက်တာ တွေလုပ်ခဲ့တယ်လို့မြင်းခြံခရိုင်တပ်ရင်း (၁၀) တာဝန်ရှိသူတဦးက ပြောပါတယ်။

Public Service Announcement

Public Service Announcement

အဲဒီစစ်ကြောင်းဟာနိုဝင်ဘာလ၄ ရက်နေ့၊မနက်၈နာရီခွဲမှာ ဆူးဖြူကုန်းရွာက အသက် ၈၂ နှစ်အရွယ်ဦးစောနွယ် နဲ့ အသက်၈၃နှစ်အရွယ် ဒေါ်စိန်ရင်တို့ရဲ့ အိမ်ပေါ်တက်ပြီး ရိုက်နှက်အကြမ်းဖက်ကာ ရွှေငွေ​​တွေလုယက်ပြီး အိမ်ထဲထည့်မီးရှို့သတ်သွားတယ်လို့ ​ဟေသခံအချို့က​ပြောပါတယ်။

“စစ်ကြောင်းလာရင်ရှောင်တဲ့သူရော၊မရှောင်တဲ့သူရောရှိတာပေါ့။အဲတာကိုမှ ဒီလူတွေကျ အဘိုးကြီး၊အဘွားကြီးတွေဆိုတော့ မရှောင်လိုက်တာထင်ပါတယ်။အဲတာကို ဒီလိုလုပ်သွားတာပဲ”လို့ ဒေသခံတဦးက ပြောပါတယ်။

အဲဒီစစ်ကြောင်းဟာ ရွာတွေဝင် ရောက်ပြီး ဒေသခံ တွေရဲ့ ရွှေ၊ငွေတို့ကို လုယက်ကာ မြို့တွင်းပြန်ဝင်သွားတယ်လို့ သိရပါတယ်။

အဲဒီစစ်ကြောင်းဟာ အောက်တိုဘာလ၅ ရက်နေ့က ထနောင်းပင်လဲရွာကဒေသခံ အမျိုးသမီး ၅ ဦးကို အုပ်စုဖွဲ့ အဓမ္မပြုကျင့်ခဲ့တဲ့ စစ်ကြောင်းဖြစ်တယ်လို့ ​​ဒေသခံ​တွေနဲ့​တော်လှန်​ရေးအင်အားစု​တွေက​ပြောပါတယ်။

ဆက်စပ်သတင်းများ