အောင်လံလွှင့်ချီနွေဦးထီ ပထမဆုံးသိန်း ၁၀၀ကံထူးရှင် NUG သို့ပြန်လည်လှူဒါန်း

အောင်လံလွှင့်ချီနွေဦးထီ ပထမဦးဆုံးချီးမြှင့်သည့် အထူးဆုကျပ်သိန်း ၁၀၀ ကံထူးရှင်ကဆု​ကြေးမယူဘဲအမျိုးသားညီညွတ်ရေးအစိုးရ(NUG)ထံ ပြန်လည်လှူဒါန်းကြောင်း ယနေ့ထုတ်ပြန်သည်။

ထီလက်မှတ်နံမှတ် ၀၂၁၀၂၉၀၀၈၉ က ကျပ်သိန်း ၁၀၀ အထူးဆု​ဆွတ်ခူးခဲ့သည်။စစ်အာဏာရှင်ချုပ်ငြိမ်းရေးနှင့် ဖက်ဒရယ်ဒီမိုကရေစီ ပြည်ထောင်စု ပေါ်ပေါက်ရေးအတွက် ပြန်လည်လှူဒါန်းပေးမှုကို NUG၏ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှု ဝန်ကြီးဌာန ပြည်ထောင်စုဝန်ကြီး ဦးတင်ထွန်းနိုင်ကဂုဏ်ပြုမှတ်တမ်းလွှာပေးခဲ့သည်ဟုလည်း ထုတ်ပြန်ထားသည်။

၂၀၂၁ ဒီဇင်ဘာလတွင် သိန်း ၁၀၀ အထူးဆု တစ်ဆု အပါအဝင်၊ ၁၅ သိန်း (၅၆) ဆု ဖွင့်လှစ်ပေးခဲ့ပြီး ကံထူးရှင် ၅၇ ဦးတွင် ၄၅ ဦးက ထီဆုကြေးများကို ပြန်လည်လှူဒါန်းခဲ့သည်ဟု NUGကထုတ်ပြန်ထားသည်။

အောင်လံလွှင့်ချီနွေဦးထီ အထူးဆုအဖြစ် ကျပ်သိန်း ၁၀၀ထပ်တိုးချီးမြှင့်မည်ဖြစ်ကြောင်း အမျိုးသားညီညွတ်ရေးအစိုး(NUG)က ဒီဇင်ဘာ ၇ ရက်တွင် ထုတ်ပြန်ကြေငြာခဲ့သည်။

Public Service Announcement

အောင်လံလွှင့်ချီနွေဦးထီကို အမျိုးသား ညီညွတ်ရေးအစိုးရ(NUG)၊ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံရေးဝန်ကြီးဌာနက ဩဂုတ် ၁၅ရက်တွင် စတင်ရောင်းချခဲ့ခြင်းဖြစ်သည်။ အောက်တိုဘာ ၁ ရက်တွင် ပထမဦးဆုံး ထီဖွင့်ပွဲကို ကျင်းပခဲ့သည်။ တစ်ဆုလျှင် ကျပ် ၁၅ သိန်းချီးမြှင့်ခဲ့ခြင်းဖြစ်သည်။