ဆောမြို့နယ်တွင် သစ်​တောမပြုန်းတီးရန် စီးပွားဖြစ် သစ်၊ဝါး၊​မျှောများထုတ်လုပ်မှုကိုတားမြစ်

အိမ်သုံး၊ ရပ်ရွာသုံးအတွက်မှအပစီးပွားဖြစ် သစ်၊ ဝါး၊ မျှောများထုတ်ယူသုံးစွဲခြင်းအားလုံးဝတားမြစ်ပိတ်ပင်ကြောင်းဆောမြို့နယ်ပြည်သူ့အုပ်ချုပ်ရေးအဖွဲ့က ထုတ်ပြန်သည်။

ယောဒသတွင် ပါဝင်သည့် ဆောမြို့နယ်၏ မြို့နယ် ပြည်သူ့အုပ်ချုပ်ရေးအဖွဲ့က ဒေသတွင်း နယ်မြေလုံခြုံရေး၊ သစ်တောအလွန်အကျွံပျက်စီးပြုန်းတီးမှုအားကာကွယ်ရေးတို့အတွက်ရည်ရွယ်၍ ယနေ့(ဇန်နဝါရီ ၁၇) ထုတ်ပြန်ခြင်းဖြစ်သည်။

စီးပွားဖြစ် သစ်၊ ဝါး၊ မျှောများထုတ်ယူသုံးစွဲခြင်းအား လုံးဝ(လုံးဝ) တားမြစ်ပိတ်ပင်လိုက်ကြောင်းနှင့်အိမ်သုံး၊ ရပ်ရွာသုံးအတွက် လိုအပ်ပါက ပြည်သူ့အုပ်ချုပ်ရေးအဖွဲ့ထံတင်ပြပြီး သတ်မှတ်ပမာဏအား ခွင့်ပြုချက်ဖြင့် ထုတ်ယူသုံးစွဲနိုင်ပါသည်ဟု လူထုအား အသိပေးထားသည်။

ဆောမြိုနယ်မှ ပြည်သူကာကွယ်ရေးတပ်ဖွဲ့များသည်
စစ်ကောင်စီကို တော်လှန်တိုက်ခိုက်ပြီး NUG ၏ ဦးဆောင်မှုဖြင့် ပြည်သူ့အုပ်ချုပ်ရေးအဖွဲ့ တည်ထောင်ကာ အုပ်ချုပ်ရေးယန္တယားကို အကောင်အထည်ဖော်နေသည်။ ဆော မြို့နယ်တွင် လောင်းကစား လုံးဝပြုလုပ်ခွင့်မပြုကြောင်းကိုလည်းမကြာသေးမီက သတိပေးချက်ထုတ်ပြန်ထားသည်။

Public Service Announcement

ဆောမြို့နယ်ပြည်သူ့အုပ်ချုပ်ရေးအဖွဲ့က စစ်ကောင်စီအုပ်ချုပ်ရေးယန္တယားကို ဖြိုဖျက်ပြီး ပြည်သူ့ အုပ်ချုပ်ရေးယန္တယားကို အကောင်အထည်ဖော်နေသလို ဆောမြိုနယ် ပြည်သူ့ကာကွယ်ရေးတပ်ဖွဲ့များကလည်း စစ်ကောင်စီကို ခုခံတော်လှန်တိုက်ခိုက်နေသည်။