'/%3E%3C/svg%3E){kind=small}
စစ်တပ်အာဏာသိမ်းထားတဲ့ မြန်မာနိုင်ငံဟာ ၂၀၂၂ ခုနှစ်အတွင်းစီးပွားရေးတိုးတက်မှုနှုန်းဟာ ၁ ရာခိုင်နှုန်းသာရှိမယ်လို့ ကမ္ဘာဘဏ်က ဒီနေ့မှာ အစီရင်ခံစာထုတ်ပြန်လိုက်ပါတယ်။
ဒါဟာ စစ်အာဏာသိမ်းမှုနဲ့ ကိုဗစ် နောက်ဆက်တွဲ ရိုက်ခတ်မှုတွေကြောင့်ဖြစ်တယ်လို့လည်း ဆိုထားပါတယ်။
စစ်တပ်အာဏာသိမ်းတဲ့ ၂၀၂၁ ခုနှစ်ကတော့ မြန်မာနိုင်ငံရဲ့ စီးပွားရေးဟာ ၁၈ ရာခိုင်နှုန်း ကျဆင်းခဲ့ပြီး ဒေသတွင်း အာဆီယံ နိုင်ငံတွေထဲ စီးပွားရေးအကျဆင်းဆုံး နိုင်ငံဖြစ်ခဲ့ပါတယ်။
နိုင်ငံအတွင်း ပဋိပက္ခတွေဖြစ်ပွားနေတာ ၊အဓိက စီးပွားရေးလုပ်ငန်းတွေ ရပ်ဆိုင်းနေတာ ၊ ဘဏ်တွေ ပုံမှန်မလည်ပတ်နိုင်တာ ၊ ကိုဗစ်ကာကွယ်ဆေးကိုလုံလောက်အောင်မထိုးပေးနိုင်တဲ့အတွက် ကိုဗစ်ကိုရင်ဆိုင်ရတာတွေကြောင့် စီးပွားရေးတိုးတက်မှုကို ရိုက်ခတ်မှုတွေရှိနေတာပါ။
Public Service Announcement
မြန်မာ့စီးပွားရေး နဲ့အတူ မြန်မာပြည်သူတွေ အာဏာသိမ်းနဲ့ ကိုဗစ် ဒဏ်ကို ပြင်းပြင်းထန်ထန် ထိခိုက်ခံစားနေရဆဲဖြစ်တယ်လို့ ကမ္ဘာဘဏ်က ဆိုထားပါတယ်။
၂၀၂၀ မှာ ကိုဗစ်ကို ရင်ဆိုင်ခဲ့ရပြီးနောက် ရွေးကောက်ပွဲအပြီး နိုင်ငံစီးပွားရေးကိုပြန်လည်ကုစားဖို့ ရုန်းကန်နေကြချိန် ၂၀၂၁ နှစ်ဆန်းပိုင်းမှာတင် စစ်တပ်က အာဏာသိမ်းလိုက်တာကြောင့် နိုင်ငံရဲ့ ကဏ္ဍအသီးသီးဟာ ကျဆင်းနေတာပဲဖြစ်ပါတယ်။
