NUGအသိအမှတ်ပြုရေးအဆိုကို ပြင်သစ်အထက်လွှတ်တော်က ကန့်ကွက်သူမရှိ အတည်ပြုပြီးဖြစ်
အမျိုးသားညီညွတ်ရေးအစိုးရ(NUG)ကို ပြင်သစ်အစိုးရက အမြန်ဆုံးအသိ အမှတ်ပြုရေး တောင်းဆိုဆန္ဒထုတ်ဖော်ပွဲကို ပါရီမြို့ရှိ အောက်လွှတ်တော်အနီး ဖေဖော်ဝါရီ ၁ရက်တွင် ပြုလုပ်မည် ဖြစ်သည်။
ပြင်သစ်အစိုးရက(NUG)ကို အသိအမှတ်ပြုရေးအဆိုအား ပြီးခဲ့သည့် ၂၀၂၁ အောက်တိုဘာလဆန်းကတည်းက အထက်လွှတ်တော်က ကန့်ကွက်သူမရှိဘဲ အတည်ပြုခဲ့ပြီး အောက်လွှတ်တော်က ဆက်လက်အတည်ပြုရန် လိုအပ်နေခြင်းဖြစ်သည်။
မြန်မာနိုင်ငံတွင် စစ်တပ်က တရားမဝင်အာဏာသိမ်းကာ ပြည်သူလူထုကို အကြမ်းဖက်ဖိနှိပ်မှု(၁)နှစ်ပြည့်သည့် ဖေဖော်ဝါရီ ၁ရက်တွင် ပြင်သစ်နိုင်ငံရောက် မြန်မာအင်အားစုများက စစ်အာဏာသိမ်းမှုကို လက်မခံကြောင်း ဆန္ဒထုတ်ဖော်ရန် စီစဉ်ထားခြင်းဖြစ်သည်။
Public Service Announcement
ရွေးကောက်ကိုယ်စားလှယ်များနှင့်အတူ ဖွဲ့စည်းထားသော NUGအစိုးရကသာ ပြည်သူ့အစိုးရ ဖြစ်ကြောင်း ပြင်သစ်အောက်လွှတ်တော်အမတ်များမှတဆင့် ကျန်နိုင်ငံတကာ အင်အားစုများ သိစေရန် အောက်လွှတ်တော်အနီးတွင် ငြိမ်းချမ်းစွာ ဆန္ဒထုတ်ဖော်မည်လည်းဖြစ်သည်။
