မြန်မာနိုင်ငံကို အားပေးထောက်ခံမှု အစီအစဉ်များပါဝင်သည့် ဆုံးဖြတ်ချက်တစ်ရပ်ကို ပြင်သစ်အောက်လွှတ် တော်နှင့် အထက်လွှတ်တော် လွှတ်တော်နှစ်ရပ်က မကြာခင်အတည်ပြုပေးမည်ဟု အမျိုးသားညီညွတ်ရေးအစိုးရ (NUG)လူ့အခွင့်အရေးဆိုင်ရာ ပြည်ထောင်စုဝန်ကြီးဦးအောင်မျိုးမင်းက ပြောသည်။
ပြင်သစ်နိုင်ငံ ပါရီမြို့သို့ရောက်ရှိနေသော ဝန်ကြီးဦးအောင်မျိုးမင်းသည် ပြင်သစ်လွှတ်တော်အမတ်များနှင့်တွေ့ဆုံပြီးနောက် မြန်မာ့အရေးကို ဆက်လက်လုပ် ဆောင်နိုင်ရန် တင်ပြနိုင်ခဲ့ကြောင်း ယနေ့(ဖေဖော်ဝါရီ ၂ ရက်)တွင် အသိပေးထုတ်ပြန်သည်။
ပြင်သစ်နိုင်ငံရောက်မြန်မာအင်အားစုများကလည်း အမျိုးသားညီညွတ်ရေးအစိုးရ(NUG)ကို ပြင်သစ်အစိုးရက အမြန်ဆုံးအသိအမှတ်ပြုရေး တောင်းဆိုဆန္ဒထုတ်ဖော်ပွဲကို ပါရီမြို့ရှိ အောက်လွှတ်တော်အနီး ဖေဖော်ဝါရီ ၁ ရက်တွင် ကျင်းပခဲ့သည်။
ပြင်သစ်အစိုးရက NUGကို အသိအမှတ်ပြုရေးအဆိုအား ပြီးခဲ့သည့် ၂၀၂၁ အောက်တိုဘာလဆန်း ကတည်းက အထက်လွှတ်တော်က ကန့်ကွက်သူမရှိဘဲ အတည်ပြုခဲ့ပြီး အောက်လွှတ်တော်က ဆက်လက်အတည်ပြုရန် လိုအပ်နေခြင်းဖြစ်သည်။
Public Service Announcement
