ချင်းပြည်နယ် ဖလမ်းမြို့နယ်တွင် ချင်းအမျိုးသားကာကွယ်ရေးတပ်(CNDF) ထောင်ထားသည့် မိုင်းမိ၍ စစ်ကောင်စီတပ်မှ သုံးဦးခန့်သေဆုံးနိုင်ပြီး အများအပြား ဒဏ်ရာရရှိခဲ့ကြောင်း ချင်းအမျိုးသားအဖွဲ့ချုပ်(CNO)က ထုတ်ပြန်သည်။
ဖေဖော်ဝါရီ ၁၂ ရက်တွင် ဖလမ်းမြို့အခြေစိုက် ခလရ (၂၆၈)အကြမ်းဖက်စစ်ကောင်စီအတွက် ရိက္ခာပို့ပြီးအပြန် လမ်းကြောင်းလုံခြုံရေးယူပေးနေသော အကြမ်းစစ်ကောင်စီများတောလမ်းအတိုင်း သွားရောက်ကြစဉ် CNOလက်အောက်ခံ CNDFတပ်မှထောင်ထားသော မိုင်းပဒေသာတွဲလုံး အလုံး(၂၀)မိသောကြောင့် စစ်ကောင်စီတပ်က သေဆုံးထိခိုက်မှုများကြောင်း ဒေသခံများကို ကိုးကား၍ CNOက ထုတ်ပြန်သည်။
အကြမ်းဖက်စစ်ကောင်စီများသည် လှာန်ဇောလ်ကျေးရွာသားများ တောင်ယာတွင်ဖွက်ထားခဲ့သည့် မြစိမ်းရောင်ကျေးလက်စီမံကိန်းထံမှ ချေးယူထားထားသော ကျပ်သိန်း ၁၆၀အားခိုးယူသွားကြပြီး၊ ၎င်းလမ်းကြောတစ်လျှောက်ရွာများရှိ တန်ဖိုးရှိ ပစ္စည်းများ၊ တိရိစ္ဆာန်များခိုးယူသွားကြောင်းလည်း CNOက ထုတ်ပြန်သည်။
ထို့ပြင် ထင်းရှူးစခန်းအနီးရှိ ပြည်သူများမွေးမြူထားသော ငါးကန်အားလည်း ဖျက်စီးသွားကြောင်း ဖော်ပြထားသည်။
Public Service Announcement
ဖလမ်းမြို့နယ်အတွင်း စစ်ရေးလှုပ်ရှားနေသည့် စစ်ကောင်စီတပ်ကို CNDFက တိုက်ခိုက်မှုများ မကြာခဏ လုပ်ဆောင်ခဲ့ရာ ဇန်နဝါရီလအတွင်း တိုက်ပွဲ ၁၂ကြိမ်ဖြစ်ခဲ့သည်။
