မန္တလေးမြို့ စိန်ပန်းရပ်မှာရှိတဲ့ ရပ်ကွက်အချို့ကို စစ်ကောင်စီတပ်တွေဟာ ပိတ်ဆို့ပြီး နေအိမ်တွေကို တစ်အိမ်တက်ဆင်း ရှာဖွေစစ်ဆေးတာတွေ လုပ်နေတယ်လို့ ဒေသခံတွေဆီကသိရပါတယ်။
ဒါဟာ ဒုတိယအကြိမ် မြောက်ပိတ်ဆို့ စစ်ဆေးတာဖြစ်ပြီး ဖေဖော်ဝါရီလ ၉ ရက်ကလည်း စိန်ပန်းရပ်ကို စစ်ဆေးတာတွေ လုပ်ခဲ့ပါသေးတယ်။
ဒီနေ့မနက်ပိုင်းမှာတော့ စိန်ပန်းရပ်က အုပ်ကျင်းတာရိုး ၊ ၂၄ ကျောင်းရှေ့ ၊ ပတ္တာရပ်ကွက်တို့မှာ တစ်အိမ်တက်ဆင်း ရှာဖွေတာတွေလုပ်နေပြီး နေအိမ်မှာနေကြသူတွေရဲ့ ဖုန်းတွေကို စစ်ဆေးတာမျိုးရှိတယ်လို့သိရပါတယ်။
အဲဒီရပ်ကွက်တွေအပြင် သံလျက်မှော်အနောက်ရပ်ကွက် ကိုလည်းအဝင်အထွက် ပိတ်ပြီး စစ်ဆေးနေတယ်လို့ ဒေသခံတွေကဆိုပါတယ်။
Public Service Announcement
လက်ရှိ မွန်းလွဲပိုင်း အချိန်ထိ စစ်ကောင်စီတပ်တွေ စိန်ပန်းရပ်ကို မွှေနေတုန်းလို့သိရပါတယ်။
ဖေဖော်ဝါရီလ ၉ ရက်က စိန်ပန်းရပ်ကို ပိတ်ဆို့ရှာဖွေချိန်မှာ လူ ၃၀ လောက်ကို စစ်ကောင်စီတပ်တွေ ဖမ်းဆီးသွားတာရှိပါတယ်။
မန္တလေးမြို့ပေါ် ဆန္ဒပြမှုမှာ ပါဝင်သူအချို့ဟာ စိန်ပန်းရပ်မှာ ခိုလှုံနေကြတယ်လို့စစ်ကောင်စီက တွက်ဆပြီး အခုလိုရှာဖွေတာတွေလုပ်နေတာလို့သိရပါတယ်။
