'/%3E%3C/svg%3E){kind=small}
မန္တလေးတိုင်း တောင်သာမြို့နယ်တွင် ဆိုင်ကယ်ဖြင့်လာသော စစ်ကောင်စီတပ်သားများကို မိုင်းခွဲတိုက်ခိုက်ခဲ့ကြောင်း မြို့ပြပြောက်ကျားတပ် Zero TTA အဖွဲ့က ယနေ့ (ဖေဖော်ဝါရီ ၂၅)ထုတ်ပြန်သည်။
ယနေ့နံနက် ၇ နာရီခန့်က တောင်သာ-အင်းတောလမ်းဆုံအနီးဆိုင်ကယ်စီးလာသော စစ်ကောင်စီတပ်သားခြောက်ဦးကို ဖောက်ခွဲတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“အင်းတဲရွာကို ကင်းလာထောက်တာ ။ ကျွန် တော်တို့ တပ်ဖွဲ့ဝင် Zero TTA က မိုင်းနှစ်လုံးတွဲ နဲ့ တိုက်ခိုက်ခဲ့တယ်။မျက်မြင်အရ ဆိုတစ်ကောင်တော့ နေရာမှာတင် သေနိုင်တယ်။နှစ်ကောင်ပစ်လဲသွားတယ်”ဟု Zero ပြောက်ကျားတပ်ဖွဲ့မှ တာဝန်ရှိသူက ပြောသည်။
တောင်သာ-အင်းတောလမ်းဆုံအနီးရောက်ရှိလာသော စစ်ကောင်စီတပ်သားများကို တိုက် ခိုက်ရာတွင် မိုင်းထောင်ထားသည့်နေရာသို့ စစ်ကောင်စီတပ်သားသုံးဦးရောက်ရှိချိန် ဖောက်ခွဲခဲ့ခြင်းဖြစ်ကြောင်း ၎င်းက ဆက်ပြောသည်။
Public Service Announcement
အဆိုပါ ဖောက်ခွဲတိုက်ခိုက်မှုကြောင့် စစ်ကောင်စီတပ်သားသုံးဦးအနက် နှစ်ဦးမိုင်းထိလဲကျကာ ကျန်တစ်ဦးမှာ သေဆုံးနိုင်ဖွယ်ရှိကြောင်း Zero ပြောက်ကျားတပ်က ထုတ်ပြန်ထားသည်။
