ကျောက်ဆည်ကန်တိုက်ပွဲတွင် ဖမ်းမိသည့် စစ်ကောင်စီတပ်ဖွဲ့ဝင် နှစ်ဦးအား ဆေးကုသပေးပြီး ကရင်နီရဲတပ်ဖွဲ့ထံ အပ်နှံ

ဒီးမော့ဆိုမြို့နယ် ကျောက်ဆည်ကန် ဒေသ၌ ယမန်နေ့က ဖြစ်ပွားခဲ့သည့်တိုက်ပွဲတွင် အရှင်ဖမ်းမိခဲ့သည့် အကြမ်းဖက် စစ်ကောင်စီတပ်ဖွဲ့ဝင် နှစ်ဦးကို ကရင်နီပြည်ရဲတပ်ဖွဲ့ထံ အပ်နှံထားကြောင်း ကရင်နီအမျိုးသားကာကွယ်ရေးတပ်(KNDF) တပ်ရင်း(၁)က သတင်းထုတ်ပြန်သည်။

မတ်လ ၆ရက် ကျောက်ဆည်ကန်တိုက်ပွဲတွင် KNDF အမှတ် (၁) တပ်ရင်းမှ စစ်ကောင်စီတပ်ဖွဲ့ဝင်နှစ်ဦးအား အသက်ရှင်လျက် ဖမ်းဆည်းရရှိခဲ့ပြီး ဆေးဝါးကုသမှု‌များလည်း ဆောင်ရွက်ပေးခဲ့ကြောင်း၊ ထို့နောက် Karenni State Police ထံတွင် သွားရောက်အပ်နှံခဲ့ကြောင်း အသိပေးထားသည်။

ထို့အပြင် စစ်ကောင်စီ လက်နက်အချို့ (MA1, MA2, MA4, MA Sinper ) အား သိမ်းဆည်းရရှိခဲ့သည်ဟု ထုတ်ပြန်သည်။

ကျောက်ဆည်ကန်တိုက်ပွဲတွင် စစ်ကောင်စီတပ်ကို KNDF နှင့် ဒေသတွင်း တော်လှန်ရေးတပ်များ ပူးပေါင်းပြီး ခုခံတိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်မှုများခဲ့သည်ဟု ဆိုသည်။

Public Service Announcement