'/%3E%3C/svg%3E){kind=small}
စစ်ကိုင်းတိုင်း ဝက်လက်မြို့နယ်တိုက်ပွဲတွင် စစ်ကောင်စီတပ်သားသုံးဦးသေဆုံးကြောင်း ဝက်လက်မြို့နယ် PDF တပ်ရင်း(၂) က ယနေ့ (မတ်လ ၁၁ ရက်) ထုတ်ပြန် သည်။
ကမ်းဖြူရွာဘက်မှ ရွှေကျင်ကျေးရွာသို့ အင်အား ၆၀ခန့်ဖြင့် စစ်ကြောင်းထိုးလာသော စစ်ကောင်စီတပ်ကို တောင်ကုန်းရွာအနီး၌ တိုက်ခိုက်ခဲ့ခြင်း ဖြစ်သည်။
တိုက်ပွဲ ဖြစ်စဥ်မှာ မတ်လ ၉ ရက် ညနေ ၃ နာရီခန့်ကစ၍ ထိတွေ့မှု ဖြစ်ခဲ့ပြီး စစ်ကောင်စီတပ် ဘက်မှသုံးဦး သေဆုံးခဲ့ပြီး နှစ်ဦးဒဏ်ရာရခဲ့သည်ဟု ဆိုသည်။
တိုက်ခိုက်ခံခဲ့ရသည့် စစ်ကောင်စီတပ်သည် မတ်လ ၁၀ ရက် နံနက် ၆ နာရီဝန်းကျင်က တောင်ကုံကျေးရွာရှိ ပြည်သူနေအိမ် ငါးလုံးကို အကြမ်းဖက်မီးရှို့ ဖျက်ဆီးသွားပြီးနောက် ဝက်လက်မြို့ဘက်သို့ ဆုတ်ခွာသွားခဲ့သည်။
Public Service Announcement
သေဆုံးသွားစစ်ကောင်စီတပ်သားများအနက် အောက်ခြေတပ်သား တစ်ဦးအား ဖြစ်သလို သဂြိုလ်သွားခဲ့၍ ပ.က.ဖ အဖွဲ့များမှ ကောင်းကောင်းမွန်ပြန်လည် သဂြိုလ်ပေးခဲ့ရကြောင်းလည်း အသိပေးသည်။
ထိတွေ့တိုက်ပွဲ့၌ ဝက်လက် PDF တပ်ရင်း (၂)နှင့် ပူးပေါင်းတပ်ဖွဲ့ဘက်မှ အကျအဆုံး ထိခိုက်ဒဏ်ရာ မရှိခဲ့ဟုလည်း ထုတ်ပြန်ချက်၌ ဖော်ပြထားသည်။
