ယမန်နေ့(မတ်လ ၁၂ ရက်) ညနေ ၃နာရီခန့်က စစ်ကိုင်း တိုင်း ပုလဲမြို့နယ် သုံးကန်ကျေးရွာတွင် တပ်စွဲထားသော အကြမ်းဖက် စစ်ကောင်စီတပ်နှင့် ပျူစောထီးအင်အား ၁၀၀ခန့်အား မဟာမိတ်တပ်ဖွဲများဖြစ်ကြသောရွှေဓါးဗိုလ်ပြည်သူ့ကာကွယ်ရေးတပ်-SDB၊ Pale People’s Defence Force PPDF၊ ပုလဲ မြေပြန့်ဒေသကာကွယ်ရေးအင်အားစု – PPDG ၊ Pale People’s Defence၊ Force-Headquarters၊ ပ.က.ဖ၊ ပုံတောင်တိုက်ဂါး၊ Pale Jokers အစရှိသည့် ပြည်သူ့ကာကွယ် ရေးတပ်ပေါင်းစုအဖွဲ့မှ ထိုးစစ်ဆင် ဝင်ရောက်တိုက်ခိုက်ခဲ့ကြောင်း၊ မိနစ် ၄၀ခန့် အပြန်အလှန်ပစ်ခတ်ကြကာ တိုက်ပွဲအတွင်းတွင် ပြည့်သူ့ကာကွယ်ရေး တပ်ဖွဲ့ဝင် သုံး ဦးကျဆုံးပြီး လေးဦး ပြင်းထန်စွာဒဏ်ရာရရှိခဲ့ကြောင်း ရွှေဓါးဗိုလ်ပြည်သူ့ကာကွယ်ရေးတပ်-SDBက သတင်းထုတ်ပြန်သည်။
ထိုးစစ်ဆင်တိုက်ခိုက်မှုကြောင့် ထိခိုက်သေဆုံးသွားသော အကြမ်းဖက်စစ်သားအရေအတွက် စုံစမ်း စိစစ်နေဆဲဖြစ်ကြောင်း၊ ယနေ့တိုက်ပွဲတွင် တိုင်းပြည်နှင့် ပြည်သူ့အတွက်အသက်ပေးသွားသော ပြည်သူ့ကာကွယ်ရေးတပ်ဖွဲ့ဝင် အာဇာနည် သုံးဦးအား အလေးပြုပြီး ပြည်သူများအနေဖြင့် ကိုယ်တတ်နိုင်သည့်ဘက်မှ ရဲဘော်များအား ဝိုင်းဝန်းကူညီကြရန် ရွှေဓါးဗိုလ်ပြည်သူ့ကာကွယ် ရေးတပ်-SDBအဖွဲ့က တိုက်တွန်းသည်။
