ရန်ကုန်မြို့ လှိုင်သာယာမြို့နယ်တွင် အပြစ်မဲ့ပြည်သူများအား အကြမ်းဖက်စစ်ကောင်စီတပ်က အစုလိုက်၊အပြုံလိုက်သတ်ဖြတ်ခံရခြင်း တစ်နှစ်ပြည့်အဖြစ် ယနေ့ (မတ်လ ၁၄) နံနက်ပိုင်း၌ ကျောင်းသားလူငယ်များက စစ်အာ ဏာရှင်ဆန့်ကျင်ရေး ဘန်နာချိတ်ဆွဲ၍ ဆန္ဒပြခဲ့သည်။
ကျောင်းသားလူငယ်များသည် “လမ်းမထက်ကျတဲ့သွေးတွေ မခြောက်သေးဘူး Never forget 14.3.2021” စာသားပါဘန်နာအား လှိုင်သာယာမြို့နယ်ရှိ ဘက်စ်ကားမှတ်တိုင်တစ်ခု၌ ချိတ်ဆွဲကာ စစ်အာဏာရှင်စနစ် တိုက်ဖျက်ရေး လှုပ်ရှားမှုကို ပြုလုပ်ခဲ့ကြသည်။
ယင်းဆန္ဒပြ လှုပ်ရှားမှုကို လှိုင်သာယာမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)၊ ရန်ကုန် အနောက်ပိုင်းတက္ကသိုလ်ကျောင်းသားများသမဂ္ဂ (ဗကသများအဖွဲ့ချုပ်) နှင့် ဂုဏ်ထူးဦးမောင်မောင်ကိုယ်ပိုင်အထက်တန်းကျောင်း ကျောင်းသားများသမဂ္ဂ (ဗကသများအဖွဲ့ချုပ်) တို့မှ ပူးပေါင်း၍ လုပ်ဆောင်ခဲ့ခြင်း ဖြစ်သည်။
