ပြည်သူ့ကာကွယ်ရေးတပ်ဖွဲ့များ၏ ဆောင်ရွက်မှုများအား တာဝန်ယူမှု ၊ တာဝန်ခံမှုရှိစေပြီး တရားဥပဒေနှင့်အညီဖြစ်စေရေး အလေးထားဆောင်ရွက်ရန် အမျိုးသားညီညွတ်ရေးအစိုးရ(NUG) ခေါင်းဆောင်များက လမ်းညွှန်ခဲ့ကြောင်း NUG ကာကွယ်ရေးဝန်ကြီးဌာနက ထုတ်ပြန်သည်။
နိုင်ငံတော်ယာယီသမ္မတ ဒူဝါလရှီးလနှင့် ပြည်ထောင်စုဝန်ကြီးချုပ် မန်းဝင်းခိုင်သန်းတို့က ကာကွယ်ရေးဝန်ကြီးဌာန စစ်ရေးပြစ်မှုဆိုင်ရာစုံစမ်းစစ်ဆေးရေးဗဟိုကော်မရှင်နှင့် ယနေ့(မတ်လ ၁၇ရက်) တွေ့ဆုံစဉ် အထက်ပါအတိုင်း လမ်းညွှန်မှာကြားခဲ့ခြင်းဖြစ်သည်ဟုဆိုသည်။
ဆွေးနွေးပွဲတွင် နိုင်ငံတော်အကြီးအကဲများက ပြည်သူ့ကာကွယ်ရေး တပ်ဖွဲ့များ၏ ဆောင်ရွက်မှုများအား တာဝန်ယူမှု ၊ တာဝန်ခံမှုရှိစေပြီး တရားဥပဒေနှင့်အညီဖြစ်စေရေး အလေးထားဆောင်ရွက်ရန် လမ်းညွှန်မှာကြားခဲ့ပြီး စုံစမ်းစစ်ဆေးရေး ဗဟိုကော်မရှင်တာဝန်ရှိသူများက လက်တလော ကိုင်တွယ်ဆောင်ရွက်လျက်ရှိသည့် အမှုခင်းများနှင့် ရှေ့ဆက်လက်ဆောင်ရွက်မည့် လုပ်ငန်းစဉ်များအားတင်ပြဆွေးနွေးခဲ့သည်ဟု ကာကွယ် ရေးဝန်ကြီးဌာနက ထုတ်ပြန်သည်။
စစ်ရေးပြစ်မှုဆိုင်ရာစုံစမ်းစစ်ဆေးရေးဗဟိုကော်မရှင်အား ၂၀၂၁ ဒီဇင်ဘာက စတင် ဖွဲ့စည်းခဲ့ ပြီး ၂၀၂၂ မတ်လတွင် ကာကွယ်ရေးဝန်ကြီးဌာနနှင့် တရားရေးဝန်ကြီးဌာနမှ ဌာနဆိုင်ရာ တာဝန်ရှိသူများနှင့်ပေါင်းစပ်၍ တိုးချဲ့ဖွဲ့စည်းခဲ့သည်။
Public Service Announcement
