▪️ယာဉ်သုံးစီးကို ဖျက်ဆီးပြီး ယာဉ်နှစ်စီး၊လက်နက် ငယ် သုံးလက်နှင့် အလောင်းတစ်လောင်းရ၊ စစ်ကောင်စီတပ်များထွက်ပြေးသွားဟု ထုတ်ပြန်
ကရင်အမျိုးသားအစည်းအရုံး(KNU) တပ်မဟာ(၃) နယ်မြေ ညောင်လေးပင်ခရိုင်တွင် KNUနှင့် စစ်ကောင်စီတပ်တို့ တိုက်ပွဲဖြစ်ပွားခဲ့ရာ စစ်ကောင်စီတပ်က သေဆုံးထိခိုက်မှုရှိခဲ့သည်ဟု KNU ဗဟိုက သတင်းထုတ်ပြန် သည်။
ညောင်လေးပင်ခရိုင်၊ဆောထိမြို့နယ်၊ဝက်ဆီတောင်တွင်နယ်မြေသို့ ကျူးကျော်လမ်းဖောက်လုပ်လာသည့် အာဏာသိမ်းအကြမ်းဖက်စစ်ကောင်းစီ၏ (ခမရ ၅၈၉)၊ယန္တယားတပ်ဖွဲ့များနှင့် မတ်လ ၁၅ရက် နံနက်က တိုက်ပွဲဖြစ်ခဲ့သည်ဟု ဖော်ပြထားသည်။
တိုက်ပွဲဖြစ်စဉ်တွင် အာဏာသိမ်းအကြမ်းဖက်စစ်ကောင်စီ၏ ဘက်ခ်ဟိုး(၁)စီး၊ဒိုဇာ(၁)စီးနှင့် ယဉ်ငယ်(၁)စီးကို ဖျက်ဆီးနိုင်ခဲ့ပြီး ဆီကား(၂)စီးနှင့် လက်နက်ငယ် MA3(၁)လက်၊MA2 (၂)လက်တို့ကို သိမ်းဆည်းရမိခဲ့ကြောင်း KNUက သတင်းထုတ်ပြန်သည်။
Public Service Announcement
အာဏာသိမ်းအကြမ်းဖက်စစ်ကောင်စီဘက်မှ ထွက်ပြေးသွားပြီး အလောင်းတစ်လောင်းကျန်ရှိခဲ့ကြောင်း၊ စစ်ကောင်စီတပ်မှ သေဆုံးထိခိုက်မှုကို အတည်ပြုနိုင်သော်လည်း KNU တပ်ဖွဲ့ဝင်များ ထိခိုက်မှုမရှိခဲ့ကြောင်း ဖော်ပြထားသည်။
ထိုသို့ တိုက်ပွဲဖြစ်ပွား၍ အနီးအနားရှိ ထီးခေးလော်ကျေးရွာနှင့် ကလောသူးခီးကျေးရွာသူ၊ ရွာသားများ ထိတ်လန့်ကြောက်ရွံ့ပြီးထွက်ပြေးတိမ်းရှောင်ခဲ့ရသည်ဟုဆိုသည်။
ထိုသို့ တိုက်ပွဲဖြစ်ပွားပြီးနောက် စစ်ကောင်စီတပ်သည် တပ်မဟာ(၃)နယ်မြေသို့ မတ်လ ၁၉ရက် နံနက်တွင် တိုက်လေယာဉ်ဖြင့် ကျေးရွာ ၂ခုသို့ ဗုံးကြဲတိုက်ခိုက်ခဲ့၍ ပြည်သူလူထု နေအိမ်များ ပျက်စီးခဲ့ ကြောင်း KNUက ထုတ်ပြန်ထားသည်။
