အာဏာသိမ်း စစ်ကောင်စီက မြို့ကြီးတွေမှာ မြန်မာ့ရိုးရာသင်္ကြန်ပွဲအတွက် ကြိုစီစဥ်နေပါတယ်။
ရန်ကုန်မြို့မှာ အရင်က နှစ်တိုင်းရှိခဲ့တဲ့ ရန်ကုန်မြို့တော်ဝန် မဏ္ဍပ်နေရာမှာ ဒီရက်ပိုင်းကစလို့ မဏ္ဍပ်ဆောက်လုပ်နေတာတွေ့ရပါတယ်။
ရန်ကုန်လိုပဲ မန္တလေး မြို့မှာလည်း မြို့တော်ဝန်မဏ္ဍပ်ဆောက်လုပ်နေတယ်လို့ ဒေသခံတစ်ဦးက ပြောပါတယ်။
နေပြည်တော်က ဖျော်ဖြေပွဲတစ်ခုကို လက်ခံခဲ့တဲ့ စင်ကာပူနိုင်ငံက Rave Republic DJ အဖွဲ့ကလည်း ပြည်သူတွေရဲ့ ကန့်ကွက်မှုကြောင့် ပွဲလက်ခံပြီးမှ မဖျော်ဖြေဖြစ်တော့ကြောင်း ထုတ်ပြန်ကြေညာထားပါတယ်။
Public Service Announcement
နေပြည်တော်မှာ နေထိုင်တဲ့ ရင်းမြစ်တစ်ဦးကတော့ နေပြည်တော်မှာ သင်္ကြန်မဏ္ဍပ်တွေဆောက်နေတာကို မတွေ့ရသေးဘူးလို့ ပြောပါတယ်။
ကိုဗစ်ရောဂါကပ်စတင်ချိန်ကစလို့ ပြည်သူတွေ သင်္ကြန်ပွဲအဆင်နွှဲရတာ နှစ်နှစ်ရှိပြီဖြစ်ပါတယ်။ ဒီလာမယ့် နှစ်သင်္ကြန်ကတော့ တတိယမြောက် သင်္ကြန်ဖြစ်လာမှာပါ။
