ကချင်ပြည်နယ် မိုးညှင်းမြို့နယ် ဟိုပင်ဒေသ၌ မတ်လ၁၉ရက်က ဖြစ်ပွားခဲ့သည့် တိုက်ပွဲတွင် စစ်ကောင်စီတပ်ဖွဲ့ဝင် ၃၀ဦးထက်မနည်းသေဆုံးခဲ့ပြီး ပြည်သူ့ကာကွယ်ရေးတပ်(PDF) တပ်ဖွဲ့ဝင်ငါးဦး ကျဆုံးခဲ့ကြောင်း ဟိုပင် PDFက ယနေ့ အသိပေးထုတ်ပြန်သည်။
ဒေသတွင်းသို့ အင်အား ၃၀၀ ခန့်ဖြင့် ထိုးစစ်ဆင်လာ၍ ထိတွေ့တိုက်ပွဲ ဖြစ်ပွားခဲ့ရာ စစ်ကောင်စီတပ်မှ သေဆုံးထိခိုက်မှုများခဲ့သည်ဟု ဆိုသည်။
အဆိုပါတိုက်ပွဲတွင် စစ်ကောင်စီတပ်မှ လက်နက်ကြီးများ အဆမတန် ပစ်ခတ်ခဲ့ပြီး လေကြောင်းမှလည်း တိုက်ခိုက်ခဲ့ကြောင်း ဖော်ပြထားသည်။
အဆိုပါ ဒေသတွင် ကချင်လွတ်လပ်ရေးတပ်မတော်(KIA)နှင့် ပြည်သူ့ကာကွယ် ရေးတပ်များ ပူးပေါင်းလှုပ်ရှားနေခြင်းဖြစ်သည်။
Public Service Announcement
KIA သတင်းနှင့် ပြန်ကြားရေးဌာန တာဝန်ခံဗိုလ်မှူးကြီးနော်ဘူကလည်း ဟိုပင်တွင် စစ်ကောင်စီတပ်က စစ်ကြောင်းထိုးလာ၍ ထိတွေ့တိုက်ပွဲ ဖြစ်ပွားခဲ့ကြောင်း မတ်လ ၁၉ရက်က ပြောဆိုထားသည်။
