▪️စစ်တပ်၏ ရိုဟင်ဂျာလူမျိုးသုဉ်းသတ်ဖြတ်မှုကို တရားဝင်ဆုံးဖြတ်ခဲ့သည့်အပေါ် NUCC ကြိုဆို
စစ်အာဏာရှင်တို့ ကျူးလွန်ခဲ့သော ရက်စက်ကြမ်းကြုတ်မှုများနှင့် အစုလိုက်အပြုံလိုက်သတ်ဖြတ်မှုများအတွက် စောင့်ကြည့်မှတ်တမ်းတင်မှုများ၊ တရားစွဲဆိုမှုများပြုလုပ်ရန် အမေရိကန်အစိုးရ ကို အမျိုးသားညီညွတ်ရေးအတိုင်ပင်ခံကောင်စီ(NUCC)က တိုက်တွန်းတောင်းဆိုလိုက်သည်။
မြန်မာစစ်တပ်က ရိုဟင်ဂျာများအပေါ် ကျူးလွန်သော ရက်စက်ကြမ်းကြုတ်မှုများသည် လူမျိုးသုဉ်းသတ်ဖြတ်မှုနှင့် လူသားမျိုးနွယ်အပေါ်ကျူးလွန်သည့်ရာဇဝတ်မှုမြောက်ကြောင်း အမေရိကန်အစိုးရက တရားဝင်ဆုံးဖြတ်ကြေညာချက်ကို အလေးအနက်ကြိုဆိုသည်ဟု NUCCက ယနေ့ ထုတ်ပြန်သည်။
ယင်းဆုံးဖြတ်ချက်သည် နိုင်ငံတဝန်းရှိ ပြည်သူပြည်သားများအတွက် တရားမျှတမှုနှင့် တာဝန်ခံမှု ရရှိစေရန်၊ စစ်အာဏာရှင်စနစ်ကို ဖျက်သိမ်းကာ တိုင်းရင်းသားလူမျိုးများ၏ မျှော်မှန်းချက် ဖြစ်သည့် ဖက်ဒရယ်ဒီမိုကရေစီပြည်ထောင်စုတည်ဆောက်ရေးအတွက် ကြီးမားခိုင်မာသော ခြေလှမ်းဖြစ်သည်ဟု NUCC က ယုံကြည်ကြောင်းဖော်ပြသည်။
Public Service Announcement
NUCC သည် စစ်တပ်က ရိုဟင်ဂျာများအပေါ် လူမျိုးသုဉ်းသတ်ဖြတ်မှုအပါအဝင် ခေတ်အဆက်ဆက် နိုင်ငံတဝန်းတွင် ဖြစ်ပေါ်ခဲ့၊ ဖြစ်ပေါ်နေသော နိုင်ငံတကာရာဇဝတ်ကျူးလွန်မှုများကို မူဝါဒချမှတ်ပြီး တရားမျှတမှုရရှိရေးနှင့် ကျူးလွန်သူများအား အပြစ်ပေးအရေးယူနိုင်ရေး ဆောင်ရွက်သွားမည်ဟုလည်း ထုတ်ပြန်သည်။
ထို့အပြင် NUCC သည် နိုင်ငံတဝန်းရှိ ပြည်သူပြည်သားများအားလုံးနှင့် ရိုဟင်ဂျာလူနည်းစုများ၏ ဆယ်စုနှစ်များစွာကြာခံစားနေရသော ဆင်းရဲဒုက္ခများ၊ ထိခိုက်နစ်နာမှုများစွာကို နက်ရှိုင်းစွာအသိအမှတ်ပြုကြောင်း ဖော်ပြသည်။
