'/%3E%3C/svg%3E){kind=small}
အရာတော်-မုံရွာ ကားလမ်းမအား အသုံးပြုသွားလာနေသော ပြည်သူများ အနေဖြင့် ယခုအခါ အကြမ်းဖက်စစ်ကောင်စီတပ်များသည် သံဃာတော်များ ၏ကားများ၊ အိမ်စီးကားများ၊ လူနာတင်ကားများ၊ လုပ်ငန်းသုံးယာဉ်များအား အသုံးပြု၍ သွားလာလှုပ်ရှားနေကြကြောင်း ကျွန်ုပ်တို့တပ်ဖွဲ့များ အနေဖြင့်အကြမ်းဖက်စစ်ကောင်စီတပ်အား ခုခံတိုက်ခိုက်ရာတွင်
ပြည်သူလူထုအား ထိခိုက်မည့်ကိစ္စရပ်များကို ရှောင်ရှားလိုပါ၍ မိဘပြည်သူများအနေဖြင့် အရေးကြီးကျန်းမာရေးကိစ္စမှလွှဲ၍ အပြင်ထွက် သွားလာခြင်းမပြုကြပါရန်နှင့် အကယ်၍ မဖြစ်မနေသွားလာရပါက အကြမ်းဖက်စစ်ကောင်စီကားများနှင့် ကွဲပြားစေရန် ကားမှန်ချ ၍မောင်းခြင်း၊ မိုးကာမအုပ်ဘဲမောင်းနှင်ခြင်းများဖြင့် ကူညီကြရန်နှင့် အကြမ်းဖက်စစ်ကောင်စီ ကားဟု ယူဆရသောယာဉ်များနှင့် ကပ်မလိုက်ကြရန် Knights Of The Red Land (KORL)ပြောက်ကျားတပ်ဖွဲ့က မေတ္တာရပ်ခံအသိပေးသည်။
အလားတူ မကွေးတိုင်း ပခုက္ကူခရိုင်၊ မြိုင်နယ်အနောက်ပိုင်းဇုန်တွင် တိုက်ပွဲပြင်းထန်နေသဖြင့် ပြည်သူများအနေဖြင့် မလိုအပ်ဘဲခရီးသွားလာမှုများ မပြုလုပ်ရန်အထူး သတိပေးအပ်ကြောင်း၊ ပြည်သူများအနေဖြင့်လည်း PDFများ၏ အပြုအမူများ ရိုင်းပြခဲ့မိသည်ရှိသော် ခွင့်လွှတ်ပေး ကြပါရန် မေတ္တာရပ်ခံကြောင်း မြိုင်-နွေဦးတော်လှန်ရေးက အသိပေးသည်။
စစ်ကိုင်းတိုင်းနှင့် မကွေးတိုင်းလမ်းပိုင်းအချို့တွင် အကြမ်းဖက်စစ်ကောင်စီအား ဒေသတွင်း ပြည်သူ့ကာကွယ်ရေးအဖွဲ့များက မကြာခဏမိုင်းဆွဲတိုက်ခိုက် မှုများပြုလုပ်နေပြီး ပြည်သူများ ၏ကားများလည်း ကပ်လျက်လိုက်ပါလာခြင်း၊ ပြည်သူ့ကားအသွင် အယောင်ဆောင်သွား လာခြင်းများကြောင့် ခုခံတိုက်ခိုက်ရာတွင် အခက်အခဲများဖြစ် ပေါ်ခဲ့ကြောင်း ဒေသတွင်းPDF များက ပြောကြားထားသည်။
