ချောင်းဦးနယ်တွင် ရွာပြင်ထွက်လာ​သော စစ်​ကောင်စီတပ်နှင့်ပျူများကိုတိုက်ခိုက်ရာ နှစ်ဦး​သေဟု PDF​ပြော

စစ်ကိုင်းတိုင်း ချောင်းဦးမြို့နယ်တွင် ​ကျေးရွာပြင်ထွက်လာသည့် အကြမ်းဖက်စစ်ကောင်စီတပ်နှင့် ပြည်သူ့ကာကွယ်ရေးအဖွဲ့များ တိုက်ပွဲဖြစ်ပွားရာ ပျူစောထီးနှစ်ဦးသေဆုံးကြောင်း ချောင်းဦး PDFအဖွဲ့က သတင်းထုတ်ပြန်သည်။

ချောင်းဦးမြို့နယ် ကင်မွန်းတော်ကျေးရွာမှ အင်အား ၂၀ ခန့်ပါ အကြမ်းဖက်ပျူစောထီးများနှင့် အကြမ်းဖက်စစ်ကောင်စီတပ်သားများများသည် မတ်လ ၂၈ရက် မွန်းလွဲ ၁နာရီခွဲခန့်က ရွာပြင်သို့ထွက်လာရာ ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့ (CHU PDF)မှရဲဘော်များနှင့်ထိတွေ့တိုက်ပွဲဖြစ်ပွားခဲ့ပြီး အကြမ်းဖက်စစ်ကောင်စီတပ်နှင့် ပျူစောထီးများဘက်မှ နှစ်ဦးသေဆုံးကြောင်း ချောင်းဦးမြို့နယ် ပြည်သူ့ကာကွယ်ရေးအဖွဲ့(CHUPDF) က သတင်းထုတ်ပြန်သည်။

အကြမ်းဖက်စစ်ကောင်စီတပ်နှင့် ပျူစောထီးများည် ကင်မွန်းတော်ကျေးရွာအတွင်း ပြန်လည်ဆုတ်ခွာထွက်ပြေးခဲ့ကြရပြီး အဆိုပါတိုက်ပွဲတွင် ပြည်သူ့ကာကွယ်ရေးတပ်ဖွဲ့ဘက်မှ အထိအခိုက်မရှိပြန်လည်ဆုတ်ခွာနိုင်ခဲ့ကြောင်း ထုတ်ပြန်ချက်တွင် ဖော်ပြထားသည်။

အဆိုပါဖြစ်ရပ်နှင့်ပတ်သက်ပြီး ​ချောင်းဦးPDFထံ ​မေးမြန်းရာ ဆက်သွယ်​၍ မရ​သေး​​ပေ။

Public Service Announcement

မတ်လ ၂၆ ရက်ကလည်း ချောင်းဦးမြို့နယ် ကံကြီးကုန်းကျေးရွာမှ သင်တန်းဆင်းအကြမ်းဖက်ပျူစောထီးများက ဝယာကျေးရွာအတွင်းသို့ဝင်ရောက်ရန် ချဥ်းကပ်လာစဥ် ပြည်သူ့ကာကွယ်ရေးမဟာမိတ်ပူးပေါင်းအဖွဲ့များက မိုင်းဆွဲတိုက်ခိုက်ခဲ့ရာ ပျူစောထီးခြောက်ဦး သေဆုံးခဲ့ပြီး အများအပြားဒဏ်ရာရရှိသွားကြောင်း မဟာမိတ်အဖွဲ့များက ထုတ်ပြန်ထားသည်။