●နန်းထိုက်အောင်စစ်ဆင်ရေးတွင်ပြည်သူများကသတိပေးချက်များကိုလိုက်နာရန် မေတ္တာရပ်ခံ
ရန်ကုန်မြို့ကိုယ်စားပြု ပြောက်ကျားအဖွဲ့အနေဖြင့် တစ်နှစ်အတွင်း စစ်ရေးပစ်မှတ် ၃၆ ခုကိုတိုက် ခိုက်ခဲ့ကာ ရန်သူ ၁၅ ဦး သေဆုံးကာ ၃၅ ဦး ထိခိုက်ဒဏ်ရာရရှိစေခဲ့ကြောင်း Yangon Federal Army က ထုတ်ပြန်သည်။
၂၀၂၁ ခုနှစ် ဧပြီ ၁၇ ရက်က လွတ်မြောက်နယ် မြေတွင်စတင်တည်ထောင်ခဲ့သည့် Y.F.A သည် အမျိုးသားညီညွတ်ရေးအစိုးရ၊ကာကွယ်ရေးဝန် ကြီးဌာန၊ရန်ကုန်တိုင်းစစ်ဒေသခွဲ ကွပ်ကဲရေး အ ဖွဲ့၏ ဦးဆောင်မှုအောက်တွင်အာဏာရှင်စနစ်အမြစ်ပြတ်ရေးနှင့် ဖက်ဒရယ်ဒီမိုကရေစီနိုင်ငံတည်ထောင်နိုင်ရေးအတွက် ရန်ကုန်မြို့ပြပြောက်ကျားအဖြစ်စစ်ဆင်ရေးများအခက်အခဲများကြားမှ ဆောင်ရွက်ခဲ့သည်ဟုဖွဲ့စည်းခြင်းတစ်နှစ်ပြည့် ထုတ်ပြန်ချက်တွင်ဖော်ပြထားသည်။
“စစ်ဆင်ရေးများကို အခက်အခဲပေါင်းများစွာကြားမှ၊ဆုံးရှုံးမှုများကြားမှ၊ အုပ်တစ်ချပ်သဲတစ် ပွင့်အဖြစ် မဟူရာ စစ်ဆင်ရေးနှင့် ပျံလွှားအောင် စစ်ဆင်ရေးများကို ခုခံတွန်းလှန်ခဲ့ပါသည်”ဟုလည်းအသိပေးသည်။
Public Service Announcement
လက်ရှိတွင် နန်းထိုက်အောင် စစ်ဆင်ရေးစတင်ချိန်၌ ပြည်သူများအနေဖြင့် သတိပေးချက်ကို လိုက်နာပေးရန်လည်း YFA ကမေတာတာရပ်ခံထားသည်။
ဧပြီလ ၈ ရက်ကစ၍ မင်္ဂလာဒုံ၊ အင်းစိန် ၊ ကမာရွတ်၊လမ်းမတော်၊ ကော့မှုး၊ တွံတေး၊ သုံးခွ၊ ရွှေပြည်သာ ၊သာကေတ နှင့် လှိုင်သာယာတို့တွင် “နန်းထိုက်အောင်” စစ်ဆင်ရေးအရ
စစ်ကောင်စီပစ်မှတ်များကို ပစ်ခတ်တိုက်ခိုက်မှုများပြုလုပ်ခဲ့သည်။
ထိုတိုက်ခိုက်မှုများတွင် စစ်ကောင်စီတပ်မှဗိုလ် မှူးတစ်ဦးနှင့် တပ်သားအချို့ အပါအဝင် စစ် ကောင်စီထောက်တိုင် အုပ်ချုပ်ရေးမှူး နှင့် ဒလန် ငါးဦးထက်မနည်း သေဆုံးထားသည်။
