ထားဝယ် – ထီးခီးလမ်းတွင်စစ်​ကောင်စီယာဥ်တန်းတိုက်ခိုက်ခံရပြီး၁၀ ဦးထက်မနည်း​သေဟု​ဒေသခံများ​ပြော

မြန်မာ-ထိုင်းနယ်စပ် ထီးခီးလမ်းတွင် အကြမ်းဖက်စစ်ကောင်စီတပ်ကို ဒေသခံကာကွယ်ရေးတပ်များက ယမန့်နေ့(ဧပြီ ၂၀ရက်) ည ၇နာရီခန့်က ပစ်ခတ်ရာ အကြမ်းဖက်စစ်ကောင်စီ ၁၀ ဦးထက်မနည်းသေဆုံးခဲ့ကြောင်း ဒေသခံများက​ပြောသည်။

ထားဝယ်မြို့နယ်၊ မေတ္တာမြို့၊ ဟိန္ဒိူးချောင်းရွာအနီးတွင်စစ်ကောင်စီတပ်၏ ကားလေးစီးပါ ယာဉ်တန်းကို ဒေသခံပြည်သူ့ကာကွယ်ရေးတပ်များက ဝိုင်းဝန်းပစ်ခတ်တိုက်ခိုက်ခဲ့ခြင်းဖြစ်သည်။ ထိုယာဉ်တန်းတွင် သုံးစီးမှာအကြမ်းဖက်စစ်ကောင်စီတပ်သားများပါဝင်ပြီး ကျန်တစ်စီးများ ဆိုင်ကယ်များ တင်လာခြင်းဖြစ်သည်ဟု ဒေသခံများက​ပြောသည်။

“KNDOပူးပေါင်းတပ်ကတိုက်တယ်လို့ ကြားတယ်။ ဘယ်အဖွဲ့က တိုက်တယ်ဆိုတာ တရားဝင်မထုတ်ပြန်သေးဘူး”ဟု ဒေသခံကာကွယ်ရေးတပ်များနှင့်နီးစပ်သူတစ်ဦးကလည်းပြောသည်။

တိုက်ခိုက်ခံပြီး​နောက်အဆိုပါစစ်ကားလေးစီးမှာဆက်မသွား​တော့ဘဲ ရပ်တန့်သွားပြီး ယနေ့မနက်အထိ လမ်းပေါ်တွင်ရှိနေဆဲဖြစ်သည်ဟုသိရသည်။ နေလယ်ပိုင်းတွင်မူ ထားဝယ်ဘက်ကို ပြန်လည်း မောင်းနှင်သွားသည်ဟုလည်း ​ဒေသခံအချို့က​ပြောသည်။

Public Service Announcement

ထိုတိုက်ခိုက်မူကို မည်သည်အဖွဲ့က ဆောင်ရွက်သည်ကို ထုတ်ပြန်ကြေညာခြင်းမရှိသေးပေ။ထိုလမ်းကြောင်းတွင် KNDOနှင့် PDF ပူးပေါင်းတပ်များ လှုပ်ရှားရာနေရာဖြစ်ပြီး ကုန်ခဲ့​သောမတ်လအတွင်းကလည်း စစ်ကောင်စီတပ်များကို အဆိုပါပူးပေါင်းတပ်များက တိုက်ခိုက်ခဲ့သေးသည်။