ရွာမီးရှို့ဖျက်ဆီးနေသည့်စစ်ကောင်စီတပ်အား ခုခံတိုက်ခိုက်ပြီး ပြန်ဆုတ်ခွာခဲ့ သည့် Zeroပြောက်ကျားတပ်ဖွဲ့မှ ရဲဘော်နှစ်ဦး မူးမြစ်အတွင်းအသက်ပေးလှူ

စစ်ကိုင်းတိုင်း၊ စစ်ကိုင်းမြို့နယ် ညောင်ပင်ရှည်ကျေးရွာအား မီးရှို့ဖျက်ဆီးနေ သည့် အကြမ်းဖက်စစ်ကောင်စီတပ်အား သွားရောက်ခုခံတိုက်ခိုက်ပေးပြီး ပြန်ဆုတ်ခွာခဲ့သည့် မြင်းခြံနယ် Zero ပြောက်ကျားတပ်ဖွဲ့မှ ရဲဘော်နှစ်ဦး မူးမြစ်အတွင်း မျောပါ၍ အသက်ပေးလှူ သွားခဲ့သည်။

ဧပြီ ၂၂ ရက်က စစ်ကိုင်းမြို့နယ် ညောင်ပင်ရှည်ရွာတိုက်ပွဲတွင် လေကြောင်း ပစ်ကူများ ရောက်လာချိန် စစ်ကြောင်းပြန်လည်ဆုတ်ခွာခဲ့ရာ မူးမြစ်ဖြတ်ကူးချိန် Zero ပြောက်ကျား တပ်ဖွဲ့မှ ရဲဘော်နှစ်ဦး မူးမြစ်အတွင်း ရေစီးနှင့်အတူမျောပါ ခဲ့ပြီး နှစ်ဦးအနက် ကျန်တစ်ဦး၏ ရုပ်အလောင်းအား ယနေ့ (ဧပြီ ၂၅ ရက်)တွင် ပြန်လည်ဆယ်ယူနိုင်ခဲ့ကြောင်း Zero ပြောက်ကျားတပ်ဖွဲ့က ထုတ်ပြန်သည်။

အသက် ၂၄ နှစ်အရွယ် ရဲဘော်နန်းမြင့်အောင်၏ ရုပ်အလောင်းအား အနီးဆုံး သုဿန်တစ်ခုတွင် မီးသင်္ဂြိုလ်ခဲ့ပြီး ကြွင်းကျန်အရိုးစုအားအမှတ်တရ အုတ်ဂူတည်ထားခဲ့ရင်း တာ၀န် ကျေခဲ့သော ရဲဘော်နန်းမြင့်အောင်အား တပ်ဖွဲ့၀င်အားလုံးမှနှုတ်ဆက်ဂုဏ်ပြု အလေးပြုခဲ့ ကြကြောင်း Zero ပြောက်ကျားတပ်ဖွဲ့က ပြောသည်။

အလားတူ မူးမြစ်ဖြတ်ကူးချိန် Zero ပြောက်ကျားတပ်ဖွဲ့မှ ​နောက်ဆုံးနှစ် စိုက်ပျိုးရေး၊ရေဆင်း တက္ကသိုလ်ကျောင်းသားတစ်ဦးဖြစ်သူ ရဲဘော်အီးမန်း လည်း ရေထဲမျောပါခဲ့ပြီး ထိုနေ့တွင်ပင် ပြန်လည်ဆည်ယူနိုင်ခဲ့သော်လည်း အသက်ဆုံးရှုံးခဲ့ရသည်။

Public Service Announcement

ထိုနေ့က စစ်ကိုင်းမြို့နယ် ညောင်ပင်ရှည်ကျေးရွာအား မီးရှို့ဖျက်ဆီးနေသော စစ်ကောင်စီ တပ်နှင့် ပျူစောထီးပူးပေါင်းအဖွဲ့ကို ပြည်သူ့ကာကွယ်ရေး တပ်ပေါင်းစုက စီးနင်းတိုက်ခိုက်ရာ ၃၀ထက်မနည်း သေဆုံးနိုင်ကြောင်း Zeroပြောက်ကျားတပ်ဖွဲ့( မြင်းခြံ)က ထုတ်ပြန်ခဲ့သည်။