မန္တလေးတိုင်း၊ မြင်းခြံခရိုင် တောင်သာမြို့နယ်ရဲစခန်းအား လက်နက်ကြီးဖြင့် အနီးကပ်ပစ်ခတ်တိုက်ခိုက်ခဲ့ရာ လေးဦးထိမှန်ကြောင်း PDF တောင်သာက ထုတ်ပြန် သည်။
ယနေ့ (ဧပြီ ၃၀ ရက်) နံနက် ၁၁နာရီခွဲခန့်က တောင်သာမြို့နယ်ရဲစခန်းအား (၄၀)မမဖြင့် ပေ၂၀၀ခန့်အကွာမှ အနီးကပ်ပစ်ခတ်ခဲ့ကြောင်း၊ အဆိုပါပစ်ခတ်မှုသည် တောင်သာ ရဲစခန်းလိုင်းခန်းဝင်းမှ လူပျိုဆောင်(၂ထပ်ဆောင်အပေါ်ထပ် မြောက်ဆုံးတောင်ဘက်အခန်း) ပစ်မှတ်ကို တိကျစွာထိမှန်မှုကို မြင်တွေ့ရကြောင်း PDF တောင်သာက ထုတ်ပြန်သည်။
မြေပြင်သတင်းအရ လေးဦးထိမှန်သည်ဟု သိရှိရပြီး အကြမ်းဖက်စစ်ကောင်စီဘက်ကမူ သတင်းအမှောင် ချ၍ အချင်းအချင်းပစ်ခတ်သည်ဟု သတင်းလွှင့်ထားကြောင်း PDF တောင်သာက ဆိုသည်။
အဆိုပါထုတ်ပြန်ချက်နှင့်ပတ်သက်၍ PDF တောင်သာထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပါ။
Public Service Announcement
PDF တောင်သာသည် ဧပြီ၂၆ ရက်ကလည်း မိတ္ထီလာခရိုင် မလှိုင်မြို့နယ်ရှိ ထွေအုပ်ရုံးနှင့်စည်ပင်သာယာရုံးကြား (၄၀)မမဖြင့် ပစ်ခတ်သတိပေးခဲ့သေးသည်။
