နိုင်ငံမတည်မငြိမ်ဖြစ်အောင် လူမှုကွန်ရက်ကနေ လှုံဆော်ဝါဒဖြန့်တယ်ဆိုကာ ဒါရိုက်တာမောင်သီကို စစ်ကောင်စီက ဖမ်းဆီးလိုက်ပါတယ်။
ရန်ကုန်တိုင်း ၊စမ်းချောင်းမှာနေတဲ့ ဒါရိုက်တာ မောင်သီကို ဖမ်းဆီးလိုက်ကြောင်း စစ်ကောင်စီထိန်းချုပ်ထားတဲ့ ဝါဒဖြန့်သတင်းစာမှာ ဒီနေ့ ထုတ်ပြန်ထားတာတွေ့ရပါတယ်။
ဒါရိုက်တာမောင်သီအသုံးပြုတဲ့ U thi ဆိုတဲ့ ဖေ့ဘွတ်ခ်အကောင့်ကနေ လှုံဆော်ဝါဒဖြန့်တယ်ဆိုပြီး ဖမ်းဆီးအမှုဖွင့်လိုက်တယ်လို့ စစ်ကောင်စီက သတင်းဖြန့်ထားပါတယ်။
စစ်ကောင်စီဟာ ပြီးခဲ့တဲ့ဧပြီလအတွင်းကလည်း ရန်ကုန်မှာနေတဲ့ လူရွှင်တော်ကောင်းကျော် ၊ သရုပ်ဆောင် ခိုင်သင်းကြည်ရဲ့ အမျိုးသား ဦးခန့်နိုင်တို့ကို ဖမ်းဆီးခဲ့တာတွေရှိပါတယ်။
Public Service Announcement
