ရေဦးတွင် ​ကျေးရွာများအား မီးရှို့ဖျက်ဆီး​နေ​​သော စစ်​ကောင်စီတပ်ကို ​ဒေသကာကွယ်​ရေးတပ်များ တိုက်ခိုက်

စစ်ကိုင်းတိုင်း၊ ရေဦးမြို့နယ်တွင် ကျေးရွာများအား ဝင်ရောက်မီးရှို့သတ်ဖြတ်နေသည့် အကြမ်းဖက်စစ်ကောင်စီတပ်ကို ​ဒေသကာကွယ်​ရေးတပ်များက မိုင်းများ၊ လက်လုပ်အဝေးပစ်များဖြင့် နှစ်ကြိမ်တိုင် ပစ်ခတ်တိုက်ခိုက်ခံခဲ့ရကြောင်း ဒေသခံများက ပြော သည်။

ယနေ့(မေလ ၇ ရက်)နံနက် ၁၀နာရီခွဲခန့်က တန့်ဆည်မြို့နယ် ဆီဆုံရွာမှ ဆင်ခြံ​ကျေးရွာသို့ လာ​ရောက်သည့် အကြမ်းဖက်စစ်တပ်အား ဒေသခံတော်လှန်ရေးအဖွဲ့၊ (ပကဖ)နှင့် PDFတို့ပူးပေါင်းပြီး လက်လုပ်အဝေးပစ်များဖြင့် ကြားဖြတ်ပစ်ခတ်တိုက်ခိုက်ခဲ့ခြင်းဖြစ်ကြောင်း ဒေသခံများက ပြောသည်။

အကြမ်းဖက်စစ်ကောင်စီဘက်ကလည်း စက်လက်၊ RPGများဖြင့် ပြန်လည်ပစ်ခတ်ခဲ့သည်ဟု PDF ရေဦးက ပြောသည်။

“မိမိတို့ရဲဘော်များ အထိအခိုက်မရှိပြန်လည်ဆုတ်ခွာနိုင်ခဲ့ပါတယ်။စစ်ခွေး အထိအခိုက်တော့ သတင်းမရသေး ပါ”ဟု ပြည်သူ့ကာကွယ်ရေးအဖွဲ့(ရေဦး)က အသိပေး သည်။

Public Service Announcement

အလားတူ ယနေ့ ​နေ့လယ် ၁၂နာရီခန့်ကလည်း ရေဦးမြို့နယ်၊ ကြာဖူးအဝိုင်း၌ စစ်ကားသုံးစီး မိုင်းဆွဲတိုက်ခိုက်ခံရပြီး အပျက်အစီးအထိအခိုက်မသိရသေးကြောင်း ရေဦးနယ်ခံများက ပြောသည်။

တိုက်ပွဲထုတ်ပြန်ချက်နှင့်ပတ်သက်ပြီး ပြည်သူ့ကာကွယ် ရေးအဖွဲ့(ရေဦး)ထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပါ။

အကြမ်းဖက်စစ်တပ်သည် ယမန်နေ့ (မေလ ၆ ရက်)က ရေဦးမြို့နယ် နှောကုန်းကျေးရွာအား ဝင်ရောက်ပစ်ခတ်ခဲ့၍ ​ဒေသခံပြည်သူတစ်ဦး ကျည်ထိမှန်ခဲ့ပြီး နေအိမ်ရှစ်လုံးကိုလည်း မီးရှို့ဖျက်ဆီးသွားခဲ့သည်။