အမေရိကန်ဟာ စစ်ကောင်စီရဲ့ ရွေးကောက်ပွဲအစီအစဥ်ကို ပယ်ချလိုက်ပြီး အာဆီယံသဘောတူညီချက်တွေကို အကောင်အထည်ဖို့ ဖိအားပေးလိုက်ပါတယ်။
စစ်ကောင်စီရဲ့ အိမ်စောင့်အစိုးရဖွဲ့စည်းပြီး ရွေးကောက်ပွဲကို ၂၀၂၃မှာ ကျင်းပမယ်လို့ ကြေညာချက်ဟာ အချိန်ဆွဲနေမှုဖြစ်ပြီး အမေရိကန်နိုင်ငံခြားဝန်ကြီးက အာဆီယံသဘောတူညီချက်တစ်ခုဖြစ်တဲ့ အထူးကိုယ်စားလှယ်ခန့်အပ်ရေးကိုတွန်းအားပေးဖို့ စီစဥ်ထားပါတယ်။
အာဆီယံနိုင်ငံခြားရေးဝန်ကြီးများအစည်းအဝေးကို မနေ့က စတင်ခဲ့ပြီး ဒီသီတင်းပတ်အတွင်းကျင်းပမယ့် ဆက်စပ်အစည်းအဝေးတွေကို အမေရိကန်နိုင်ငံခြားရေးဝန်ကြီး အန်တိုနီယိုဘလင်ကန်လည်း Virtual ကနေ တက်ရောက်မှာဖြစ်ပါတယ်။
“အာဆီယံကို သူတို့ရဲ့ကြိုးပမ်းမှုလမ်းကြောင်းအတိုင်းသွားဖို့ တောင်းဆိုပါတယ်။ ဘာလို့လဲဆိုတော့ မြန်မာစစ်တပ်ဟာ အချိန်ဆွဲနေတယ်ဆိုတာ ရှင်းလင်းနေပြီး အချိန်ဆွဲရင်းနဲ့ သူ့ကိုယ်ကျိုးအတွက် လုပ်ဆောင်နေတာပါ”လို့ အမေရိကန် အကြီးတန်းအရာရှိတစ်ဦးက ပြောပါတယ်။
Public Service Announcement
ပြီးခဲ့တဲ့ ဧပြီမှာ အာဆီယံခေါင်းဆောင်တွေဟာ မြန်မာ့အရေးနဲ့ပတ်သက်လို့ အကြမ်းဖက်မှုရပ်တန့်ဖို့၊ တွေ့ဆုံညှိနှိုင်းဖို့၊ အထူးကိုယ်စားလှယ်ခန့်ဖို့ အပါအဝင် သဘော တူဆုံးဖြတ်ချက် ငါးရပ်ချမှတ်ခဲ့ပါတယ်။ ဒါပေမယ့် လက်ရှိအထိ မြန်မာစစ်တပ်က အဲဒီဆုံးဖြတ်ချက်တွေကို အကောင်အထည်ဖော်ခြင်းမရှိသေးပါဘူး။
