ရွှေကျင်မြို့ မဟာပညာဗိမာန်စာသင်တိုက်မှ သံဃာတော် ၆၇ ပါးနဲ့ လူပုဂ္ဂိုလ်နှစ်ဦး ကိုဗစ်ကူးစက်ခံရ

ပဲခူးတိုင်း ရွှေကျင်မြို့မှာရှိတဲ့ မဟာပညာဗိမာန်စာသင်တိုက်မှ စာသင်စာချသံဃာတော် ၆၇ ပါး နဲ့ လူပုဂ္ဂိုလ်နှစ်ဦး ကိုဗစ်ရောဂါကူးစက်ခံထားရပါတယ်။

မဟာပညာဗိမာန်စာသင်တိုက်ဟာ စာသင်စာချသံဃာ တော် ၁၁၀ ပါးရှိပြီး သြဂုတ် ၄ ရက်နဲ့ ၅ ရက်တွေမှာ စာသင်တိုက်ရှသံဃာအားလုံးကို Text Kit နဲ့စစ်ဆေးရာမှာ သံဃာ ၆၇ ပါးနဲ့ လူပုဂ္ဂိုလ်နှစ်ဦး ကိုဗစ်ရောဂါကူးစက်ခံထားရတာကို သိရှိခဲ့တာလည်း ဖြစ်ပါတယ်။

“များပြားလှသော ပိုးတွေ့သံဃာများအား ဆေးဝါးဓာတ်စာအာဟာရများ လုံလုံလောက်လောက် ပြုစုကုသပေးနိုင်ရန်အတွက် မိမိတို့စွမ်းနိုင်သည့်ဘက်မှနေ၍ ကုသိုလ်ပါဝင်လှူဒါန်းနိုင်ပါကြောင်း အသိပေးနှိုးဆော်အပ်ပါတယ်”လို့ မဟာပညာဗိမာန်စာသင်တိုက်က ထုတ်ပြန်ထားပါတယ်။

ရွှေကျင်မြို့က မဟာပညာစာသင်တိုက်ဟာ လက်ရှိနွေဦးတော်လှန်ရေးကာလအတွင်း အဓမ္မကိုတွန်းလှန်တဲ့ ဓမ္မဘက်ကရပ်တည်နေတဲ့ ကျောင်းတိုက်တစ်တိုက်ဖြစ်ပြီး ကျောင်းတဲ့ရဲ့တိုက်အုပ်ဆရာတော် ဘဒ္ဒန္တကဝိဒဆရာတော်ဘုရားဟာ ပြည်သူ့အစိုးရလက်ထက်မှာ မဟာဂန္ဓဝါစက ဘွဲ့တံဆိပ်တော် ဆက်ကပ်ခံထားရပါတယ်။

Public Service Announcement