မကွေးတိုင်း၊ရေစကြိုမြို့နယ်တွင် လိုင်းကြေးအကောက်ကြမ်းနေသည့် ရဲဝန်ထမ်းနယ်ထိန်းတစ်ဦးအား သွားရောက်ဖမ်းဆီးစဥ် လက်နက်လုရန်ကြိုးစားသဖြင့် သုတ်သင်ရှင်းလင်းခဲ့ကြောင်း ဒေသတွင်းPDFအဖွဲ့များက သတင်းထုတ်ပြန်သည်။
အဆိုပါနယ်ထိန်းရဲအား သွားရောက်စောင့်ကြည့် ဖမ်းဆီးခေါ်ဆောင်လာရာ လမ်းခုလတ် တစ်နေရာတွင် လက်နက်လုရန် ကြံစည်ခုခံသောကြောင့် ပစ်ခတ်ရာမှ သေဆုံးသွားခြင်းဖြစ်ကြောင်း Black Wolf PDF-Mdyက အသိပေးသည်။
ယနေ့ (ဇွန်လ ၁၇ရက်) မွန်းလွဲ ၁၂နာရီ ၄၀မိနစ်ခန့်ကရေစကြိုမြို့၊ အမှတ်(၈)သုခဝတီရပ်ကွက်နေ ရဲဝန်ထမ်းနယ်ထိန်း နိုင်မင်းထွဋ်ခေါင်ဆိုသူသည် ရေစကြိုမြို့အတွင်းလှည့်ပတ်ပြီးလိုင်းကြေးကောက်၍ အမြတ်ထုတ်သည်ဟုသတင်းရရှိသောကြောင့်သုတ်သင်ရှင်းလင်းခဲ့ခြင်းဖြစ်သည်ဟု
Bagan Nyaung Oo PDFအဖွဲ့ကလည်းထုတ်ပြန်ထားသည်။
“နောက်နောင်လှည့်ပတ်ရိက္ခာမယူရေးအတွက်ငရဲပြည်သို့အပြီးအပိုင်ပို့ဆောင်ပေးလိုက်ပါသည်”ဟုပုဂံညောင်ဦး PDFအဖွဲ့ကအသိပေးထားသည်။
Public Service Announcement
မဟာမိတ်များဖြစ်သော ပုဂံညောင်ဦး PDF၊ Black Wolf PDF – MDY၊ MGN Tiger မြင်းခြံခရိုင်တပ်ရင်း(၂)တို့က ပူးပေါင်းတိုက်ခိုက်ခဲ့ခြင်းဖြစ်သည်ဟု ၎င်းတို့ကအသိပေးသည်။
ထုတ်ပြန်ချက်နှင့်ပတ်သက်၍ ပုဂံညောင်ဦး PDFအဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပါ။
မကွေးတိုင်း၊ရေစကြိုမြို့နယ်သည် အကြမ်းဖက်စစ်ကောင်စီအား ခုခံတော်လှန်မှုအားကောင်းရာဒေသတစ်ခုဖြစ်ပြီး စစ်ကိုင်းတိုင်း၊ မန္တလေးတိုင်းရှိ PDF အဖွဲ့များနှင့်ပါ ပူးပေါင်းဆောင်ရွက်နေသည်။
