သံအမတ်ကြီး ဦးကျော်မိုးထွန်းအပေါ်ခြိမ်းခြောက်မှုကို အမေရိကန် ကန့်ကွက်ရှုတ်ချ

သံအမတ်ကြီး ဦးကျော်မိုးထွန်းအပေါ် ခြိမ်းခြောက်မှု ကို ကန့်ကွက်ရှုတ်ချတယ်လို့ ရန်ကုန်မြို့မှာရှိတဲ့ အမေရိကန် သံရုံးက သဘောထားထုတ်ပြန်လိုက်ပါတယ်။

ဒါအပြင် ဒီလုပ်ရပ်ဟာ စိုးရိမ်ထိတ်လန့်ဖွယ် လုပ်ရပ်မျိုးဖြစ်တယ်လို့ လည်း ဆိုထားပါတယ်။

အမေရိကန် အနေနဲ့ ဒီမိုကရေစီပြန်လည်ရရှိရေး အတွက် တောင်းဆိုနေကြတဲ့ မြန်မာ လူထူ ကိုယ်စား ပြောဆိုရာမှာ ရဲရင့်မှု နဲ့ သတ္တိကို ပြသနေတဲ့ သံအမတ်ကြီး ဦးကျော်မိုးထွန်းနဲ့အတူ ခိုင်ခိုင်မာမာ ရပ်တည်တယ်လို့လည်း အဲဒီသဘောထားထုြတ်ပန်ချက်မှာ ပါရှိတာကိုတွေ့ရပါတယ်။

စစ်အာဏာသိမ်းတာကို လက်မခံတဲ့ ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် သံအမတ်ကြီး ဦးကျော်မိုးထွန်းကို ထိခိုက်နာကျင်အောင် အကြမ်းဖက် တိုက်ခိုက်ဖို့ ပူးပေါင်းကြံစည်မှုနဲ့ မြန်မာနိုင်ငံသားနှစ်ဦးကို ဖမ်းဆီးထားတယ်လို့ ပြီးခဲ့တဲ့ ရက်ပိုင်းက အမေရိကန် တရားရေးဌာနက သတင်းထုတ်ပြန်ထားပါတယ်။

Public Service Announcement

ဒီအမှုကို အမေရိကန် ထောက်လှမ်းရေးအဖွဲ့ FBI ကကိုင်တွယ်နေတယ်လို့လည်းသိရပါတယ်။

သံအမတ်ကြီးကတော့ သူရဲ့ လုံခြုံရေးကို အမေရိကန် အစိုးရက ဆောင်ရွက်ပေးထားတယ်လို့ မီဒီယာတွေကို ဖြေကြားထားတာရှိပါတယ်။